影片
更多
2023-02-23
1059 浏览
今次试呢间系因为有朋友推介，又真系唔错㖞，价钱相宜，食物又精致，无论视觉同味觉都觉得好似艺术品咁！———————————————————————我哋拣咗呢个6 COURSE MENU -自家制三款餐包有香草蕃茄包、软包、香薄脆片，牛油加入杏脯带点果香，香草蕃茄包好香又软熟，最钟意香脆薄片，充满牛油同芝士香味-白蕃茄mousse/紫苏叶/鱼子卖相精致，入口清新，完全打开味蕾-蒸龙虾烧卖/鲟鱼子酱/小龙虾龙蒿泡沫/ 墨鱼汁卖相好靓，有金箔点缀，龙虾肉整成烧卖，加上鲟鱼子酱非常矜贵，特别得黎又好有诚意，而且重非常鲜甜又弹牙，另外要提一提，碟上面嘅花纹系厨师用墨鱼汁画架，好有心思-鹅肝冻/麝香啫喱/竹炭脆片 / 田园沙律好梦幻嘅烟雾衬托住鹅肝冻，不得了，视觉效果100分，摆盘配搭都好精致，鹅肝入口非常幼滑，加上麝香啫喱同竹炭脆片，无论视觉或味觉都多重享受-切罗基蕃茄清汤/原种蕃茄忌廉浓汤/蕃茄炖蛋第一次觉得蕃茄原来都可以整得咁好食，蕃茄清汤非常清新，带点微酸，蕃茄炖蛋加上浓汤令我一试难忘-慢煮牛肋条布里欧 / 香橙烩甘笋 /松露汁卖相一百分，馅料用咗花胶同牛肋肉，口感丰富，加上松露汁同松露泡泡
———————————————————————
我哋拣咗呢个6 COURSE MENU
-自家制三款餐包
有香草蕃茄包、软包、香薄脆片，牛油加入杏脯带点果香，香草蕃茄包好香又软熟，最钟意香脆薄片，充满牛油同芝士香味
-白蕃茄mousse/紫苏叶/鱼子
卖相精致，入口清新，完全打开味蕾
-蒸龙虾烧卖/鲟鱼子酱/小龙虾龙蒿泡沫/ 墨鱼汁
卖相好靓，有金箔点缀，龙虾肉整成烧卖，加上鲟鱼子酱非常矜贵，特别得黎又好有诚意，而且重非常鲜甜又弹牙，另外要提一提，碟上面嘅花纹系厨师用墨鱼汁画架，好有心思
-鹅肝冻/麝香啫喱/竹炭脆片 / 田园沙律
好梦幻嘅烟雾衬托住鹅肝冻，不得了，视觉效果100分，摆盘配搭都好精致，鹅肝入口非常幼滑，加上麝香啫喱同竹炭脆片，无论视觉或味觉都多重享受
-切罗基蕃茄清汤/原种蕃茄忌廉浓汤/蕃茄炖蛋
第一次觉得蕃茄原来都可以整得咁好食，蕃茄清汤非常清新，带点微酸，蕃茄炖蛋加上浓汤令我一试难忘
-慢煮牛肋条布里欧 / 香橙烩甘笋 /松露汁
卖相一百分，馅料用咗花胶同牛肋肉，口感丰富，加上松露汁同松露泡泡，松露fans表示非常满意，仲有橙香味嘅甘笋，完全表达到厨师嘅用心
-热情果雪葩/红石榴泡沫
热情果同红石榴都系我钟意嘅，清空一下味蕾，而且泡沫好靓，仲可以打卡
-慢煮BBQ猪柳/ 烤红甜椒酱 /茴香苗 /牛油蚕豆 /陈年黑醋
猪柳好嫩滑，用甜椒酱同陈醋几特别，以简单嘅食材黎强调食物嘅鲜味
-香煎特级西冷 / 阿根廷青酱 / 芥未籽薯仔卷/柑桥甘笋蓉/ 波特酒肉汁 （+$200)
切开后色泽粉嫩，肉质软嫩又有少许烟靭，口感简朴而又不单调，芥未籽薯仔卷好出色，入口好有层次感
-法式焦糖豆腐炖蛋
淡淡的豆腐香味，配合一层薄薄嘅焦糖，口感绵滑，而且两者混合嘅甜度都啱啱好
-烧香蕉配柚子雪糕
外层薄皮非常香脆，带有浓郁嘅香蕉味，柚子雪糕包住烧香嘅香蕉，口感冷热交替，最后酒香令到成个味道再升华
-Petit four
菠萝味嘅甜品，口感好特别软绵绵，好似棉花糖咁，仲有松露朱古力、咖啡黑朱古力、覆盘莓朱古力
张贴
