大自然素食

营业中

休息中

平日星期五订了晚上七时半，一入餐厅已见到好多人正在用餐，好彩订了枱。看看餐牌，好多野都想食，最后选择了：🏮原盅黄耳素翅炖椰皇汤清甜好好饮，椰子味重，黄耳爽脆，椰子肉腍。🏮寿司拼盘卖相好靓，寿司卷好食，牛油果或芒果配搭嘅寿司好夹，好好味，口感好正！🏮蜜汁叉烧皇像真度好高，味道同口感都好似真叉烧。🏮芝士焗蒜蓉包卖相好吸引，增加食欲感，烘得恰当好处，外脆内软，芝士味唔腻，好好味。🏮姜蓉炒翡翠苗翡翠苗好嫩，新鲜。🏮香椿瑶柱鱼翅蛋白炒饭炒饭炒得干身，粒粒分明，味道亦唔会太咸，有香椿嘅香气。🏮原只鲜菠萝咕噜肉甜酸味做得好好，好开胃，‘啖啖肉’嘅感觉。🏮红豆西米露糖水甜度系少甜，好合心意！好多款式嘅素食，食得好满足、好丰富嘅一餐。