鮨月 (已結業)

食厌咗连锁寿司店，想试吓食高档啲嘅日式料理？呢间鮨月应该可以满足到你！位于湾仔金钟中间，地点唔算难揾，店内日式气氛浓厚！今日我地嚟食Omakase - 即系所有食物都系由厨师决定！贴心嘅系喺落order𠮶阵，店员会先问客人有咩唔食，俾厨师喺菜单上做个调整！言归正传，去图！每上一道，师傅都会简介菜式，首先第一道系真鲷刺身片配酸汁+食用玫瑰，呢个组合第一次食，好夹！隔离碗仔系发光鱿鱼，有少少芥辣味，都好食！第二道系新鲜北寄贝，第一次食新鲜嘅，非常爽口。值得一提系旁边𠮶板Wasabi，系新鲜山葵磨出嚟，同一般食开一支支嘅好大分别，系有一种香气！第三道比较冷门，叫饭蛸，其实系章鱼嘅一种，佢煮熟之后，脑浆会变成好似一粒粒饭粒咁，口感几得意，同埋都用酱汁浸得超入味！跟住呢道我唔记得叫咩名，净系记得𠮶旧吞拿鱼超鲜味！食完刺身，就开始等寿司啦！厨师会先俾啲姜大家清清口腔，旁边黑白色嘅我又唔记得叫咩名啦，但系都系清口腔嘅！本身味道都几好！寿司我唔逐款讲啦！只能讲非常丰富！有曹以、系撚鲷、超好食嘅生虾配蟹膏+海葡萄、大拖罗，虽然件数唔多，但系味道都足以令人感到大大大大满足！接住嚟就系热食啦，有免治鸡肉棒，