影片
更多
2023-03-08
108 浏览
呢间位于北角既小店坐位唔算多，所以记住要提早book位，包你有个难忘既omakase体验🥰 Dinner Omakase分别有$980 / $1280 / $1480，当日可以问下师傅有咩时令或者稀有部位。先拣咗靓靓既Sake杯先，拣咗粉红色同蓝色玻璃四季纹，好精致🫶🏻 Dinner Omakase系包埋120ml Sake 🍶 纯米吟酿，甜甜地味道较为fruity😌前菜: 水云 • 莲藕 • 淮山 • 仲有小小吞拿鱼内脏，送酒一流。🦪九州小长井生蚝呢只蚝超肥美，蚝肉饱满鲜甜，加咗少少柠檬汁同萝卜蓉，越嚟越期待之后嘅野食🤩萤光鱿鱼🦑 师傅十分细心，望住师傅每只清除软骨，眼同嘴后，再用火枪烧。烧完即刻闻到好香嘅膏味，啲萤光鱿鱼虽然唔系好大只，但系只只都有膏。自家制矶煮鲍鱼呢款系冻食，鲍鱼好淋好入味，上面仲有啲鲍鱼肝脏，有啲似蟹膏。配角萝卜都好正🥹 师傅见你中意食，又夹咗件萝卜，所以客人既每一个表情同赞美，师傅都会留意。海带滑子菇汤🥣食咗几款冻野，就黎碗热汤暖一暖个胃。我第一次食滑子菇，口感有齐滑，鲜，嫩，脆。🌟𩽾𩾌鱼肝脆饼呢个真系入口系wow一声！🤤第一次食咁好食嘅𩽾𩾌鱼肝，口感绵密顺
先拣咗靓靓既Sake杯先，拣咗粉红色同蓝色玻璃四季纹，好精致🫶🏻 Dinner Omakase系包埋120ml Sake 🍶 纯米吟酿，甜甜地味道较为fruity😌
前菜: 水云 • 莲藕 • 淮山 • 仲有小小吞拿鱼内脏，送酒一流。
🦪九州小长井生蚝
呢只蚝超肥美，蚝肉饱满鲜甜，加咗少少柠檬汁同萝卜蓉，越嚟越期待之后嘅野食🤩
萤光鱿鱼🦑 师傅十分细心，望住师傅每只清除软骨，眼同嘴后，再用火枪烧。烧完即刻闻到好香嘅膏味，啲萤光鱿鱼虽然唔系好大只，但系只只都有膏。
自家制矶煮鲍鱼
呢款系冻食，鲍鱼好淋好入味，上面仲有啲鲍鱼肝脏，有啲似蟹膏。配角萝卜都好正🥹 师傅见你中意食，又夹咗件萝卜，所以客人既每一个表情同赞美，师傅都会留意。
海带滑子菇汤🥣
食咗几款冻野，就黎碗热汤暖一暖个胃。我第一次食滑子菇，口感有齐滑，鲜，嫩，脆。
🌟𩽾𩾌鱼肝脆饼
呢个真系入口系wow一声！🤤第一次食咁好食嘅𩽾𩾌鱼肝，口感绵密顺滑，油脂柔嫩香醇，连埋松叶蟹脚，互相提鲜，成个脆饼外脆内软，真系一试难忘。
🥢开始到寿司环节，坐系bar枱欣赏师傅啲刀功，佢整既每一件都非常期待🤩
1. 蜜柑鲷~ 食落阵阵橘香，师傅仲讲咗蜜柑鲷起源既故事
2. 深海池鱼 ~ 口感Q弹，微微烟薰过
3. 梭子鱼 ~ 师傅将皮界开再烧过，皮脆肉嫩
4. 甜虾 ~ 仲配咗烧虾头膏同帆立贝，好鲜呀！
5. 目仁奈 ~ 有咬口，鱼味浓
🔪然后就到师传表演㓥吞拿鱼腩，一路㓥一路解说，解体完之后我仲有得入bar枱入面打卡📸
6. 中拖罗 ~ 鱼香恰到好处，非常甘香。
🌟7. 拖罗生死恋 ~ 用咗好脆既紫菜包住由火炙过既大拖罗配赤身，再加紫苏叶，咬开咗果种鱼脂香，真系好好食！
🌟8. 左口鱼 ~ 鱼油脂超香，火炙过后，啲鱼油系口爆开，入口即溶，超香超好食。
北海道小川海胆😍 味道鲜甜，口感细腻软滑，好满足。
💓脑天 ~ 脑天即吞拿鱼头顶既肉，口感软滑，筋少而脂肪多，鱼味极浓！我第一次食咋，真系好正🥹
🌟杂锦刺身卷 ~ 首先呢度嘅紫菜真系好出色，非常之脆。呢个刺身卷入面系一啲饭都冇，由师傅DIY，每次都会唔同嘅刺身，食落去层次分明，咬落去仲有紫苏香同芝麻香，出面完全食唔到😘
秋田乌冬配松叶蟹🍜 乌冬好Q弹，加上配咗松叶蟹，个汤都好鲜。
🍰樱桃千层蛋糕，啲cream唔系讲笑好正，食埋个甜品真系将今餐饭画咗个完满嘅句号🥰
今晚系由龙师傅🐉掌厨，好幽默，同bar枱6个客人打成一片😬 之前食omakase师傅都只系讲下食材，今次龙师傅🐉非常健谈同亲切，同我地一齐倾一齐饮，气氛温馨，成个用餐体验可以话系完美🥰
张贴
