影片
更多
2010-08-30
29 浏览
今晚o黎o左呢间意式餐厅 Saizeriya 萨利亚食饭.呢间餐厅以健康、轻食同价廉物美作卖点.虽则呢间并非素食馆, 但佢o地每款菜式都有提供素食版咁滞, o岩晒我, 所以好多o野都o岩食.呢度有提供 Special Drinks, 但唔饮 Special Drinks 可以去水吧拣心水饮品, 系免费同无限添饮.水吧供应既饮品口味粗略估计至少有十五种, 好似港式既奶茶、咖啡、柠檬茶、华田同朱古力，又有西式既牛奶咖啡、特浓咖啡 … 同各式香草水果茶等等.一 Set 沙律连餐汤, HK$15.个 Set 有三款汤可以拣, 三心两意之下, 我舍弃o左忌廉粟米蘑姑汤, 拣o左呢个蕃茄杂菜汤.个汤既味道系冇乜特别, 反而碗青瓜生菜沙律好清, 清得o黎又好开胃, 我钟意 ~咪以为呢个系披萨 … 查实呢个系蒜蓉包.呢个蒜蓉包焗到热辣辣咁食, 当然好味 ~ 系略嫌唔够蒜蓉味.我呢餐既至爱 ~ 杂菌蘑姑意粉 ~意粉好烟韧, 加埋芝士粉好好味呀!!少油焗薯角 ~呢碟焗薯角真系好似佢餐牌所讲咁, 冇多余油水, 系健康小食之选.朱古力蛋糕我试o左少少呢件朱古力蛋糕, 麻麻o地, 反而我叫既士多啤梨雪糕仲好味,
呢间餐厅以健康、轻食同价廉物美作卖点.
虽则呢间并非素食馆, 但佢o地每款菜式都有提供素食版咁滞, o岩晒我, 所以好多o野都o岩食.
呢度有提供 Special Drinks, 但唔饮 Special Drinks 可以去水吧拣心水饮品, 系免费同无限添饮.水吧供应既饮品口味粗略估计至少有十五种, 好似港式既奶茶、咖啡、柠檬茶、华田同朱古力，又有西式既牛奶咖啡、特浓咖啡 … 同各式香草水果茶等等.
一 Set 沙律连餐汤, HK$15.
个 Set 有三款汤可以拣, 三心两意之下, 我舍弃o左忌廉粟米蘑姑汤, 拣o左呢个蕃茄杂菜汤.
个汤既味道系冇乜特别, 反而碗青瓜生菜沙律好清, 清得o黎又好开胃, 我钟意 ~
咪以为呢个系披萨 … 查实呢个系蒜蓉包.
呢个蒜蓉包焗到热辣辣咁食, 当然好味 ~ 系略嫌唔够蒜蓉味.
我呢餐既至爱 ~ 杂菌蘑姑意粉 ~
意粉好烟韧, 加埋芝士粉好好味呀!!
少油焗薯角 ~
呢碟焗薯角真系好似佢餐牌所讲咁, 冇多余油水, 系健康小食之选.
朱古力蛋糕
我试o左少少呢件朱古力蛋糕, 麻麻o地, 反而我叫既士多啤梨雪糕仲好味, 起码有士多啤梨果肉丫o麻 ~ 哈哈 ~
眼见好似食o左好多o野咁, 但其实仲有碟意粉, 只系我唔记得影佢 … Oh NO ~
呢餐食咁多o野都唔驶 HK$110, 真系几抵!!
我要下次再o黎试埋个意大利饭!!
张贴
