熨烤達人 (已結業)

先祝大家🐽年快乐！今日年初三同男朋友去拍拖食好d啦，点知食到半肚气！我地7点4去到拎飞，点知等左足足一个钟，8点4先入得去食，最差ge系眼见迟过我地拎飞果d人都快过我地入座！原因系人地都系3人或以上，而餐厅里面2人枱只有4张枱，其余大部分都系3人以上的大枱，感觉上好唔公平，点解唔可以灵活小小呢？餐厅环境洁净，座位之间宽阔，坐得舒服，细心位系有储物sofa登可以放野，咁就唔怕袋同外套食到有阵味。职员先倒半边蛋浆，一定要加碎芝士和粟米落去煮，因为蛋味本身偏淡。记得上次食炑八，d蛋浆系可以无限添加，点知呢到添加系要再加钱（半边$30\全边$50），仲要系唔包多份芝士粟米，感觉好唔抵所以就冇追加。特级雪花牛$108有6片牛，质素对得起价钱。脂肪分布平均，烧完之后牛脂香，牛肉味重，不过多食会腻。芝士炖饭芝士味没想像中咁重，属于偏淡，好处系食完都唔会觉得腻。真系拉丝架！野蛮奶奶鸡全晚最好味ge就系呢个野蛮奶奶鸡，我地叫左大辣，汤底莣味又唔会太辣。鸡件份量都算多，建议大火煮10分钟就够，如果唔系肉质会煮鞋左。入面都多蔬菜菇类，仲有粉丝，健康而又饱肚。