座銀

营业中

休息中

我一直喺社交平台𠮶啲拉面group度都见到好多人推介呢一间拉面，但无奈地因为好少去港岛，所以一直都冇机会试。终于有日要去港岛搞啲嘢，所以就去咗试呢一间拉面。------------------------------呢一间嘅拉面暂时系我食过咁多间嘅拉面价位最高嘅一间，所以我对佢嘅期望都几高。我嗌咗碗鸡白汤拉面。我因为冇留意原来佢唔包糖心蛋，所以冇加到，真系失策。一嚟到碗拉面好似好细碗咁样，但系其实只碗都几深，所以都唔少。而汤底方面我自己觉得几浓郁嘅，同埋因为佢汤底杰嘅关系，所以啲面都挂到汤。而佢啲𩠌，我自己觉得系整得几好，特别鸡肉系软淋淋，完全唔会鞋。但我食到最后觉得有啲腻，所以我觉得未算系我食过最好食嘅拉面。------------------------------除非我真系突然间好想食鸡白汤拉面，如果唔系我应该未必会再嚟食。