金寶 (已搬遷) 新店位置

刚刚开始写食评无几耐,都系跟住openrice既推介去试唔同既餐厅,有时唔系好肯定边间系真系好,因为一嚟人人写既野唔同,自己去试先知龙与凤!今次食金宝,因为大家推介得几紧要,有好多笑脸,今晚到步,见坐满人,侍应安排坐位有点乱,不过好彩唔使等太耐!食既系生牛肉粉,酱爆虾丸,咖哩牛腩饭同埋香茅猪柳饭,生牛肉粉汤几好味,不过粉份量太多,牛肉系肥牛,所以口感几好,侍应教加埋香叶食,味道都几清新!酱爆虾丸三十蚊两粒,好似贵左少少,但系食既时候入面既虾膏好好味,又爱又恨!咖哩牛腩饭饭系一碗白饭,另外再加一碗牛腩,牛腩有牛味,但系咖哩味唔系太入牛腩度,即系牛腩同咖哩系分开煮,好唔好见仁见智,我就钟意牛腩有好多咖哩味𠮶种!香茅猪柳饭又系一碗白饭加一篮猪柳,同门口既食物模型好唔一致,不过味道就好好,猪柳点埋个酸汁好好味!见佢地好似唔系好够人手,都唔敢叫佢地加水,不过服务唔算太差,但系又唔系好周到,如果生意好就请多个人啦,老板!