Flat Mountain Cafe

营业中

休息中

谂住天水围终于有间café，见评价又唔错，位置又清幽，但好失望，出品好无诚意，同样价钱有好多选择，甚至搭个车去元朗屯门嘅cafe质素都好好多。Cappuccino (oat milk)$47超细杯仲要有大旧冰，味道都ok嘅系份量真系太少，成餐比较ok系杯咖啡。烟三文鱼牛油果bagel $58谂住咁普通嘅现成野无死啦，但个bagel 连翻热都无，最重要系质地又唔bagel，似系隔左夜嘅面包，好嚡咁。三文鱼只得细细一块，牛油果份量同熟嘅程度都ok嘅。生果茶呢个系朋友叫，我眼见都见到入面浸紧嘅橙系非常唔新鲜，似系放到干晒水就黎烂咁，个干嘅状态唔似系生果干，而似系一个唔新鲜嘅橙，浸极都浸唔返涨，朋友话系无茶味，仲系苦的。寿司饭 $93朋友拣咗鸡、枝豆、银芽、牛油果寿司饭。个饭好明显唔系寿司饭，朋友话味道正常，但性价比极低。见佢啲出品咁无诚意，我连相都唔想影，基本上都唔会回头，同样价钱食其他店好过。