好燒式串燒專門店 (大南街)

营业中

休息中

 今日同同事收工想揾间好味餐厅放肆一下，成日经过太子都见到依间串烧店大排长龙，于是我地决定试一试。餐厅气氛甚好，未够7pm已经爆满，有几台都系一家大细共聚天伦之乐，餐厅老板同唔少食客有倾有讲，非常有人情味。我地总共叫左几款肉类/菜类串烧同餐厅主打嘅开边烧龙虾。 蒜蓉烧龙虾 (⭐️⭐️⭐️⭐️⭐️)所有食物即叫即做，龙虾可选择蒜蓉或芝士酱。龙虾烧出来肉质非常嫩滑弹牙，面头舖满蒜蓉酱真系好带出龙虾的鲜甜味，龙虾肉量多，又有虾膏，真系超抵食！龙虾汁大虾意粉 (⭐️⭐️⭐️⭐️⭐️)意粉热辣辣好有镬气，龙虾汁好浓郁，每一条意粉完全沾上酱汁，唔会干身之余好弹牙，大虾开边烧得惹味，微微㶶配合蒜蓉酱更食得出虾的味道。西班牙黑毛猪肋串/ 鸡软骨 / 盐烧牛舌心(⭐️⭐️⭐️⭐️⭐️)欣赏餐厅火候控制恰到好处，微微㶶让猪肉嘅油分慢慢渗出真系好吸引，猪肉每颗都好有肉味，大大串食得好过瘾！鸡软骨必试！鸡软骨每颗都烧至外脆内软，唔会话得软骨，仲有肉食，面头洒上孜然粉十分惹味！盐烧牛舌心虽然得4颗，但每颗都大大旧好爽口，牛的肉味好重，充满油香。牛油栗米 (⭐️⭐️⭐️⭐️⭐️)金黄嘅粟米颗颗饱满，火烧热力均匀，每颗都熟透，外面搽上蜜糖牛油，食落去爆汁