申子居酒屋

营业中

休息中

📍申子居酒屋食过几次都觉得好食！见到呢排啲餐牌都变咗，多咗唔少新菜式。新出有广岛蚝春卷($108)，入边包住原只广岛蚝再炸，入边仲有紫苏叶食落去中和咗𠮶阵油味。餐厅自家制烧卖($68)望落去个样几特别系白雪雪，一咬落去个鱼肉味都几香浓，同埋口感都弹牙。和牛汉堡($78)比想像中结实，本身已经腌过就咁食都得，但餐厅仲会配埋盐、柠檬汁同埋山葵。叫咗鲜鱼两食($368)，系分开天妇罗同埋刺身两食，今日餐厅用咗池鱼去整，刺身嘅口感几结实同几鲜味！天妇罗就用咗紫苏叶包埋去炸，个底下仲会有炸埋嘅鱼骨可以食埋，居酒屋嚟讲好少有咁特别嘅菜式。