紫荊閣 (已結業)

今日专登带嫲嫲爷爷黎食灌汤饺，依度既灌汤饺系皮包住啲汤汁，系比较正宗既做法。而家好多酒楼既灌汤饺都系汤浸住只饺，唔系好多地方有正宗既灌汤饺食。侍应会帮食客将只灌汤饺系个笼度拎出去只碗度。灌汤饺入边好多汤汁，系一啲比较”杰”既汁，两老话几好食😆 上至下：怀旧素翅饺、蛋黄千层糕、龙凤野鸡卷、姜葱牛肉角、北菇棉花鸡、沙律名下筒、鹌鹑蛋烧卖。之后仲有叫做其他点心，呢度有啲点心系我未见过既。例如姜葱牛肉角、龙凤野鸡卷，好似都系一啲比较怀旧既点心。整体来讲所有点心味道都唔错，唔似连锁𠮶啲酒楼既点心👍🏻呢度既点心用料十足，有好多都系即叫即整。虽然价钱比出面啲酒楼贵，但系真系一分钱一分货，迟啲有机会一定会再带屋企人去食。下午茶大中小点都收小点价，$28一款点心。如果想试下既朋友仔可以食下午茶，会平啲。