Kim's Spoon (MegaBox) (已結業)

韩国菜周街都有得食，但韩式素食真系第一次呀！同妈妈一齐去食Kims Spoon 推出嘅2人素食餐。三式前菜包括莲藕、青瓜、翠玉瓜，全部都酸酸辣辣又爽口，好开胃。另外亦会泡菜提供，而且系无限任食架！香梨汁素牛沙律餐厅所有嘅素牛肉都系由韩国入口，比真正嘅牛肉软熟。配上甜甜地嘅香梨汁，连埋沙律菜一齐食非常滋。素牛肉煎饼望落去有少少似薄饼，二人份量都好多。素牛肉同蛋配合得好好，食落好香脆。亦可以点少少特制酸辣酱，更有层次。西瓜辣拌面第一次见到拌面放系西瓜入面，成个presentation好正好有创意。韩国入口的面条几弹牙，加入西瓜粒、青瓜丝同番茄等配料，甜味同辣味都几夹，好岩夏天食。热青橘子茶好清香，又可以消济，橘子肉都好多。