影片
更多
2024-05-07
47 浏览
日本菜就食得多啦，日式素食真系好少见！最近去咗Kyoto Joe食素食半自助晚餐，颇有惊喜。其实好多好多年前都食过Kyoto Joe几次，印象唔错，所以呢次嚟试下日式素食都几期待！素食放题（$530pp）无限量供应20款日式素食菜式，包括：前菜、炉端烧、炸物、卷物、热食，另外仲可以选择一款主菜。前菜：绿天使他他呢个模仿Kyoto Joe招牌菜式金枪鱼他他，但其实系全蔬菜整成，味道微辣香口，同招牌菜相似度都几高！同生菜一齐食会更加爽脆！呢个好食到encore咗几次，哈哈！菠菜沙律、 海云、 冷奴呢几款前菜都系平时日式料理常见嘅冷盘，清新开胃。炉端烧（青椒仔、豆腐、甜蕃薯、银杏、素鸡）呢度嘅炉端烧水准唔错，唔会烧得过干或过熟。钟意豆腐，烧至外脆内软，好食！炸物：椰菜花天妇罗呢款天妇罗淋上甜酸酱汁，有D似食紧韩式炸鸡。苹果天妇罗、紫苏叶素鸡天妇罗炸浆好薄，包住香甜嘅苹果都几特别。卷物（墨西哥卷、杂菜天妇罗卷、辣味啦啦卷、山芋卷、秋葵卷、黑金卷）呢几款素食卷物几配搭好有创意，调味都唔错，推荐辣味啦啦卷，腐皮包住牛油果、莲藕片、红菜头、银杏，再加上香辣嘅酱汁，有食肉嘅感觉！热盘：素饺子入面包咗素
素食放题（$530pp）无限量供应20款日式素食菜式，包括：前菜、炉端烧、炸物、卷物、热食，另外仲可以选择一款主菜。
前菜：绿天使他他
呢个模仿Kyoto Joe招牌菜式金枪鱼他他，但其实系全蔬菜整成，味道微辣香口，同招牌菜相似度都几高！同生菜一齐食会更加爽脆！呢个好食到encore咗几次，哈哈！
菠菜沙律、 海云、 冷奴呢几款前菜都系平时日式料理常见嘅冷盘，清新开胃。
炉端烧（青椒仔、豆腐、甜蕃薯、银杏、素鸡）呢度嘅炉端烧水准唔错，唔会烧得过干或过熟。钟意豆腐，烧至外脆内软，好食！
炸物：椰菜花天妇罗
呢款天妇罗淋上甜酸酱汁，有D似食紧韩式炸鸡。
苹果天妇罗、紫苏叶素鸡天妇罗
炸浆好薄，包住香甜嘅苹果都几特别。
卷物（墨西哥卷、杂菜天妇罗卷、辣味啦啦卷、山芋卷、秋葵卷、黑金卷）呢几款素食卷物几配搭好有创意，调味都唔错，推荐辣味啦啦卷，腐皮包住牛油果、莲藕片、红菜头、银杏，再加上香辣嘅酱汁，有食肉嘅感觉！
热盘：素饺子
入面包咗素虾及蔬菜，如果炸得脆口D就更好啦
焗杂菌
杂菜炒乌冬乌冬烟靭弹性，炒至干爽，落咗甜甜地嘅酱汁，好惹味。
主菜拣咗烟熏鱼刺身盛合(+$160)店员喺面前打开盒子，立即烟雾弥漫，散发阵阵烟熏香气。一共有4款刺身，每款都烟熏香入味，最钟意带子，厚切柔软，味道鲜甜。不过要另外加钱性价比就稍低。
同行朋友拣咗另一款主菜--西瓜扒。原来系用西瓜扮成牛扒，好特别！虽然食落唔似牛扒，但亦都唔似食紧西瓜，个味道好特别，咸咸甜甜。
张贴
