福岡漢堡扒 (厚福街) (已結業)

星期日放假，去左尖沙咀行街买衫，顺便去食个午餐，喺厚福街揾餐厅，花多眼乱，最后拣左呢间好特别嘅热石烧汉堡，和牛系100%澳洲和牛，平时真系好少见的。入到餐厅，见每个位的枱面都有一条条弯弯的迷你烟囱，用来抽走油烟。坐低后我地点左芝士蛋和牛汉堡扒同埋菠萝烟肉和牛汉堡扒。点完餐冇几耐店员就上左啲前菜、沙律同埋面豉汤比我地，之后再上左一份铁板+搓成球状的、生嘅汉堡黎，佢仲问我地有冇食过，如果冇食过佢就会教您烧汉堡嘅方法。店员教我地用佢附上嘅铲仔先铲开一小份生嘅汉堡，放上刚烧出黎嘅热石，再用铲仔压平佢咁烧，每次唔好烧得太耐，大约3-5秒就要反转再烧，因为块石系好热的，好易会令汉堡烧焦。喺烧嘅中途如果块石唔够热，可以叫店员换过一块热的再继续烧。总括嚟讲，系值得一试的，可以玩下又可以食，不过可能因为系和牛嘅关系，比较多油，一边烧一边都不断有油溢出，食食吓都觉得几油腻。