嚐喜大不同特色餐廳小廚

营业中

休息中

店如其名，尝喜大不同特色小厨，菜式都几特别嘅港式中菜，北角同天后都各有一间分店，地铁站都系行几分钟就到。近排受好多因素影响，入到铺都易揾位，坐低落完单之后，好快好快就上到菜。先嚟招牌菜，冰镇咕噜肉，佢个盆好似特制咁，咁啲冰溶咗嘅水系唔会浸住啲咕噜肉，令咕噜肉变淋，保持外皮嘅脆脆。咬落口，外脆内软，外冷内热，好值得一试！呢度嘅煲仔饭系强调用碳火煮嘅，白鳝嘅表面被火轻轻烤过，精华都跌入啲饭里面，饭焦啱啱好，只能够话师傅嘅手势一定有返咁上下嘅经验。但令我最意外嘅竟然系一支啤酒，一支雪到接近冰嘅啤酒，以前通常只会大排档先有，配上㷫烚烚嘅煲仔饭，完美。