OPPA Coffee Bar Restaurant

营业中

休息中

金巴利街有好多间韩国菜，OPPA Coffee Bar Restaurant 嘅装潢走清新韩风，一行入去就觉得好光猛好舒服。餐牌上有好多特别嘅菜色，因为今次同一班friend一齐食，所以都嗌咗几多嘢食。秘制章鱼蛋浆熔岩炒饭好特别。店员摆咗个饭系枱面之后就开始系侧边倒蛋浆，仲落咗好多芝士系上面，之后再用火枪烧到啲芝士溶晒。啲饭本身有少少辣，捞埋啲蛋同埋芝士，拉晒丝咁，又可以食到一粒粒嘅章鱼，真系好正。另外我地仲嗌咗半只蜜糖牛油无骨炸鸡，份量都唔少。啲炸鸡热辣辣，外脆内嫩。炸鸡下面仲有好多粗薯条，配埋甜甜地嘅蜜糖一齐食，真系好好食。韩式蒸饺子卖相好靓，一共有五粒，粒粒都有半个拳头咁大，馅料又好多，好味得黎够哂清淡。鸡肉流心小丸子系可以DIY嘅菜式。店员会摆一部小丸子机系枱面，之后再俾鸡肉饭、芝士同埋牛奶蛋浆。将啲芝士捞落啲鸡肉饭到，再摆喺机上面整成圆球，之后再倒牛奶蛋浆落去，等佢慢慢成型，好食得黎又有得玩。三色韩国煎饼有泡菜煎饼、葱煎饼同南瓜煎饼。每款有三个，卖相超级靓，食落烟烟韧韧，有好香嘅南瓜味，真系好正。