道頓堀御好燒專門店 (康怡廣場) (已結業)

其实之前想试呢间大阪烧好耐了，今日终于的起心肝与友人一试。我地大约6:30去到唔洗等位，不过就限时90分钟同埋有每位最低消费$100，我地叫左一个广岛烧（$98），烧饭团（$38），芝士年糕（$38）重有雪糕（$15球）。所有食物除左雪糕，其实都系要自己动手，对于平时绝少入厨房，煮野食唔叻嘅我地，煮起上来真系有点失礼，其实系有餐牌教你点烧，煮完晒再加酱汁同木鱼丝等，都叫见得下人，味道有酱汁帮手，其实唔会差得去边嘅。至于饭团，我地可能烧得唔够㶶，好似冇出面餐厅咁好食，芝士年糕我个人觉得太「漏」感觉但友人觉得好味！整体而言，好玩，都好食，不过抽气就麻麻，餐厅内较油烟，食完会有阵大阪烧味跟住你