影片
更多
2018-05-14
447 浏览
同疏友聚旧，佢话上次同朋友去尖沙咀等左成年一个号码都无叫过，结果败走，佢冀望荃湾呢间无咁多人，6.45pm去到，5号筹，等到7.20pm开始叫号码，可以睇到餐厅入面，大部分系四人枱，每枱有一个炉，即系无论你一个人定四个人都系独占一枱，限时90分钟，难怪佢上次等成年都无叫过枱号，15分钟之后可以入座，叫左流心芝士烧，杂锦炒面同班戟。食物好快就到，唔知点开始好，香港人好怕样衰，怕做错step畀员工行过嘲笑，最后睇完教学图卡要开始啦，整个烧饼需时15分钟，首先每面5分钟，最后再反多次等5分钟，心急嘅重口味疏友未够钟就话要先放烧汁，由于我唔好烧汁，烧饼分两边唧烧汁，佢几乎填满半个圆形，最后佢仲话烧汁唔够，要唧啲入碗度，我笑佢食烧汁浸烧饼，酱汁唔似出面咁浓味及咸，不过我唔好𠮶啲酱汁，半个饼唧几行我都觉得够。烧饼同炒面上枱个阵仲有小茶壶，入面有少过1/3壶嘅透明液体，我地研究过唔系油，因为枱面调味架已经有一樽油系度，最后都系问职员，原来啲水系炒面用，面系碗入面定左型，所以炒个阵要加啲水整散个面，面嘅材料无调味，所以都要加啲酱汁一齐炒，面身弹牙，只要你炒得好就好食架啦。最后黎个饱肚班戟，旁边嘅朱古力
食物好快就到，唔知点开始好，香港人好怕样衰，怕做错step畀员工行过嘲笑，最后睇完教学图卡要开始啦，整个烧饼需时15分钟，首先每面5分钟，最后再反多次等5分钟，心急嘅重口味疏友未够钟就话要先放烧汁，由于我唔好烧汁，烧饼分两边唧烧汁，佢几乎填满半个圆形，最后佢仲话烧汁唔够，要唧啲入碗度，我笑佢食烧汁浸烧饼，酱汁唔似出面咁浓味及咸，不过我唔好𠮶啲酱汁，半个饼唧几行我都觉得够。
烧饼同炒面上枱个阵仲有小茶壶，入面有少过1/3壶嘅透明液体，我地研究过唔系油，因为枱面调味架已经有一樽油系度，最后都系问职员，原来啲水系炒面用，面系碗入面定左型，所以炒个阵要加啲水整散个面，面嘅材料无调味，所以都要加啲酱汁一齐炒，面身弹牙，只要你炒得好就好食架啦。
最后黎个饱肚班戟，旁边嘅朱古力忌廉整得好靓，差啲唔舍得整散，我唔系几食得出班戟好唔好食，我觉得材料都系𠮶啲，不过疏友话同自家整嘅味道系有唔同，any肥，呢个都系疏友话要食嘅野，我无咩评价。
张贴
