魔膳廚房 (已結業)

今日带住两个女去观塘行街， 成日都系食商场里面嘅嘢， 唔系日本嘢就系麦记， search下原来工业区好多美食， 今次见到呢间推广自助餐， 而且都经济实惠即管试下啦。喺apm隔离， 落咗电梯好快就已经到啦， 餐厅好文青feel, 挂满壁画， 入到嚟都感觉轻松， 场内播放年青人喜欢嘅歌曲， Alan Walker， Bruno Mars， 两个女嚟到已经十分钟意， 加上坐低后店员攞住抽奖箱,叫佢哋抽小礼物， 未食已经觉得好开心。讲返食物,整体食物分咗三个区域, 沙律区， 有杂果沙律，藜麦蟹子菜沙律， 泰式木瓜沙律， 新鲜水果， 同埋啲冻肉冷盘， 整体质素都唔错。 我想介绍返个周打鱼汤， 少少酸非常开胃。另一个区域系热盘， 全部都系肉同淀粉质， 佢嘅肉有烧排骨，猪手， 牛脷， 牛仔骨， 烧鸡翼，鱼饼，春卷， 仲有菠萝炒饭同意粉， 各适其适任君选择， 整体都不过不失。最后一个甜品同饮品区， 佢有三款冰茶类畀你拣,另外仲有热嘅花茶， 甜品嘅选择亦都十分之多， 除咗有台式嘅芋圆， 芝士饼外仲有泰式甜品， 试咗个椰青糕都觉得好清新， 小朋友就最钟意个棉花糖机。 呢餐未食完已经话下次想再嚟。