道頓堀御好燒專門店 (K11購物藝術館) (已結業)

格离同事有一日无啦啦话想食大阪烧，所以我地一行五人lunch就去左呢间食饭啦。其实我本身就唔算太钟意食大阪烧，食一旧两旧ok，食成个就唔系太想啦！不过好在，呢到都几多唔同既选择，有大阪烧，文字烧，甚至仲有烧肉添！烧肉set lunch仲跟埋白饭，都算ok抵既～而且仲买四送一添，我地五个人就岩岩好啦。每个set lunch既跟餐沙律～系白萝卜丝黎既，正常发挥～同事点既上级牛肋肉，份量我觉得有啲少，唔系好抵，我点既牛肋肉，份量都好多下，但系无乜牛味，又劲多黑椒，普通。另一位同事点既道顿堀杂锦大阪烧，佢煎得几成功哈哈味道还好啦，都系胜在有得自己整，有得玩姐！不过食完之后成个身好大阵味，阵味跟足我地成日。