Ocio (已結業)

今日黎左依到,对于钟意食窝夫既我当然要黎下依到，环境都非常咁唔错,米白色既墙仲有好多欧洲街头风景既相挂系到，环境非常好,食西餐或者饭后甜品真系非常之舒服。睇下餐牌，甜品都有非常之既选择，当然都系以窝夫为主。今次就叫左依原味窝夫同埋一个玉桂香蕉班戟：原味窝夫系Plain Waffle加埋Movenpick既云呢拿雪糕，仲有依个枫树糖浆非常好！暖暖地窝夫食落有好强既蛋香味道，食落有软软既质感，加埋云呢拿雪糕，仲有杏仁碎，食落多重口感,真系食唔停口之后食个玉桂香蕉班戟,有个薄薄既班戟,包住暖暖地既香蕉块，无用到忌廉但有少少雪糕，然后再加埋玉桂粉，食落十分香口,好味道！香蕉班戟卷份量很大,成条香蕉放系你面前,可惜既就系一切开了香蕉同皮即刻分开左