甜品工房 (已結業)

香港嘅甜品舖开到成行成市，而且一个甜品嘅价钱分分钟拍得住一个lunch，甜品通常好多堂，其实唔太健康，对我来讲食甜品可能系一个同朋友继续倾计嘅落脚点，或者系真系有啲好特色嘅甜品要去试。系尖沙咀食饭，好多餐厅都会入咗起计时，食完之后唯有再去甜品店倾计，朋友话去食甜品工房，天气冻冻地，就叫左热嘅中式甜品食。腐竹银杏薏米配心型蛋＄32一上枱见到碗野起泡嘅，真系惊惊地，食落去我觉得过甜，好少腐竹薏米，唔系好足料，个味道有啲artificial ，而且只心型蛋一啲都唔似心型，而系俾人夹硬窝左一拳咁😑而且煲得好熟，个蛋黄太老。日式红豆豆腐花＄39朋友叫嘅，仲要冇得拣热嘅，天寒地冻真系冇乜选择，都系过甜，啲丸子比想像中冇咁烟韧太粉。