B家닭갈비 (已結業)

同屋企人去食饭，所以拉大队去食炒鸡炸鸡！呢间舖头已来过好几次，醒哥未登报时已经来过，原因系环境好舒服干净，食物质数好好，唔会求奇敷衍你，好用心煮！加上有小朋友既关系，地方干净好紧要，同埋佢地有一个梳化位比人等候，小朋友食饱饱可以去梳化区玩，大人就继续食！讲返食物，炒鸡好好味，辣味会比较惹味，唔辣就好岩小朋友，就算叫二人份量都好大份！炒牛肉味道比鸡浓d，好岩香港人口味，个人都系爱传统炒鸡多！部队锅，好足料，二人份量好大份，其实够四人食，食到最后加个面底加埋d汤，真系好正！人参鸡既汤又系好好饮，参味好香，捞白饭食，小朋友都食左好多！紫菜蛋卷同煎饺子系小朋友大爱既食物，加埋炒鸡，人参汤捞饭，佢地食到肚仔都涨卜卜！最后当然讲下炸鸡，之前食过唔辣都觉得好好味，但原来辣系仲好味，又未去到好辣，刚刚好，因本人都唔可以食好辣既野，试过去一间韩店食，辣到食唔到，呢个少少辣，接受到，好好味！今次一行十人叫二人炒鸡，二人炒牛肉，二人部队锅，人参鸡，紫菜蛋卷，煎饺子，炸鸡半只，系好味到食晒d野！