B家닭갈비 (已結業)

世界盃睇韓國隊，唔係唔食炸雞配啤酒同soju呀？見到哩間大角咀近近地有炸雞食，雖然ooenrice嘅人都好似係食佢嘅鐵板雞多，但我目標明確一定要食炸雞，就打咗電話去叫外賣。打去十五分鐘後到，都仲企咗十分鐘，但明明得兩三枱客。唔緊要，因為啲外賣比我嗰時隔住袋都辣手。唔知店家嘅特辣雞係咪汁另上，因為雞就見到一半原味一半甜辣，但就有個幾辣嘅辣醬跟埋，不過哩個醬好緊要，因為咸辣可以遮蓋很多缺點。先食原味，薄薄的雞皮，皮脆是必需的，雞件本身調味不多，隱約的咸味，滴上檸檬汁本應完美。可惜，雞肉又乾又鞋已經無哂癮。甜辣因爲有濃濃的醬汁包裹著，所以暫時忘記雞肉個部分。但當注意力集中响味道上，我叫哩個做咕嚕肉炸雞，個醬嘅味道七成似，只係多小小辣。乾嘅唔止係雞肉，仲有午餐肉飯卷。韓式飯卷來說，欠麻油嘅油潤，飯粒又僱乾。好嘅地方係小啲人放兩層午餐肉餡。

有朋友向我同友人推薦呢一間韓食, 所以我同友人放工就諗住去試一試~ 去到太子地鐵站落車, 跟住Google Map 行, 行左大約十分鐘左右就行到呢間餐廳XD (其實唔止十分鐘. 因為行過入左間鞋店, 買左對好靚想買好耐嘅鞋先繼續出發! 所以多除少補就大約十分鐘XD)主要叫左三樣菜式, 韓風炒牛肉(二人份), 部隊鍋 (二人份) 同埋韓式雞肉壽司~雞肉壽司就正常野, 無咩特別 XD首先係韓風炒牛肉(二人份), 一黎佢會比左一份生牛同菜係中間, 之後會有職員幫手炒~ 不過其實個下我會希望自己炒會開心D~味道上係有D失望, 一來牛肉有D老, 二來無咩味道, 整體上就係一個菜炒牛肉, 無咩特別也無咩味道,,,反而部隊鍋味道就不錯, 入面有雞、泡菜、午餐肉、冬菇、年糕、腸仔、芝士腸、野菜同茄汁豆, 湯的味道都不錯~ 惹味濃郁, 最後加多個公仔麵就真係無得輸!!不過個服務員不停調戲女友人, 讓我地都有D唔好感受...只係為左食部隊鍋, 我諗我就唔會再試呢間啦>< 

今日又黎到愛回家醒哥開嘅舖頭，一點幾黎到，唔算好多人，好快就有位。叫左番茄濃湯牛肉拉麵，入面有新鮮嘅番茄，湯底好濃郁，但又唔會濃到「確喉」拉麵唔會太淋，芽菜都好爽口，但牛肉就比較「鞋」，整體黎講唔錯！會繼續支持醒哥

今日同一班朋友一行六人慶祝生日， 睇到附近有呢間韓國餐廳食一啲熱辣辣嘅鍋物， 即刻走入嚟試下， 入到嚟返咗好舒服好靚， 有八成入座率到， 差唔多每一台 都嗌啲韓式火鍋， 我哋又嗌嚟試下，先試咗部隊鍋， 二人份量嘅， 試過之後覺得ok，湯底 又香又濃， 一定要加個韓國拉麵，正。 即刻再試下其他嘢， 炒年糕炸雞， 都覺得幾好食。 之後服務員再推介新出嘅一人一個火鍋， 88蚊超抵超飽， 尤其個湯底正，我哋嗌咗泡菜辣湯， 好地道韓國風味， 唔使用醬油都好夠味。 雖然好飽再見到隔離個蛋捲好靚， 我哋又嗌咗， 賣相又靚又好食， 服務都算ok， 切蛋糕冇切餅費， 冇限時間， 好難得嘅韓國餐廳，值得再試。

收到餐廳嘅傳單即管入嚟一試呢個韓式火鍋，ok喎， 份量啱啱好，有肉有菜有啲丸， 仲有個面， 不過最特別係個湯底, 韓式湯底好特別, 我叫咗個泡菜辣湯, 辣得好過癮, 我朋友叫咗個招牌嘅豆腐牛肉湯底, 非常之正, 送白飯一流。 我覺得最正係佢哋啲湯底夠濃，同埋夠創新。不過講到呢間店炸雞一定係最出名， 係好食嘅， 小食蛋捲亦都好精緻同埋好正。 佢哋仲有韓牛賣， 不過今次食唔到因為好多人訂咗， 定咗下次一定要食， 因為香港唔係好多地方食到韓牛。 下次會再食其他嘢。

天氣轉涼，食吓韓國火鍋，我們一行五人，嗌左三個鍋，部隊鍋， 人參 唔會囉就算係都唔會出嚟黐線㗎我一定唔會去㗎嘛 返咗嚟 雞鍋， 泡菜辣雞鍋。 除咗人參雞之外另外嗰兩個都辣辣地嘅， 最正係個湯底，3款湯底都好唔同。 人蔘雞湯個人參味剛好，不會太苦，有原隻雞。 部隊鍋有好多立雜野，如午餐肉腸仔，最緊要再加埋個面! 泡菜辣雞鍋比較濃送飯一流， 就咁飲個湯底會有啲濃。我們仲嗌咗炸雞，餃子，也是不錯。食到好飽，只不過150每人，抵到爛。

聽人講某明星響附近開咗間韓國餐廳，諗住口淡淡去試下點知中伏了！ 啲嘢食一係太鹹一係太甜，淨飲水都飲到飽 ……三個人嗌咗三個餸 一個炸雞一個慢煮牛肋骨一個炒豬肉片，啲炸雞係好食嘅， 但係牛肋骨D味道甜到好似糖水，個炒豬肉片咸道啲鹽好似唔使錢咁！ 諗住同個老細講佢會整返D到好食D嘅嘢嚟呀…… 點知越整越難食到最尾都係食唔落！！ 認真講大角咀呢邊有唔少韓國餐廳就真係未試過咁難食嘅餐廳！！最後一點價錢與食物水準不符合，絕無下次！

呢個炸雞非常之香脆，我哋嗌咗呢一個芝士炸雞，叫咗佢芝士醬另上， 芝士味真係非常正， 佢唔似其他韓國菜啲芝士， 凍咗之後就好一舊舊咁， 非常香濃。呢個水冷麵賣相一流， 呢個咁熱嘅天氣啱曬， 湯底有少少酸酸地好開胃， 佢裏面有小小冰塊令到湯更加凍。呢個部隊鍋非常足料， 湯底有少少辣嘅， 其他韓國餐廳都係有包埋面嘅， 不過其實我唔係幾鍾意食麵， 其他韓國餐廳嘅價錢貴成百幾蚊， 佢只係買200蚊， 所以唔包埋面好似唔會太過飽， 哈哈。呢間餐廳其實價錢就唔係好貴， 但係原來喺旺角地鐵站出行過去只係六分鐘， 建議喺旺角行， 呢間餐廳週末都仲係好多人， 建議要訂枱 ，但最好嘅就係切蛋糕都唔使收切餅費， 同埋亦都唔會有時間限制， 除咗呢啲鍋之外我仲見到好多一人嘅套餐， 有彈性又啱啲小朋友食， 值得推介呢個餐廳畀大家

if you loved 닭갈비 in Korea and are desperately searching for a fix in Hong Kong. it's better to hold out for another restaurant (or fly to Korea). this is very much another Chinese restaurant trying to do Korean,... but it tastes nothing like the actual dish (it just looks similar). it's was quite blend, the chicken was not very good and too little sauce to mix it all together.

係韓國食過辣炒雞真係超好食！初頭見其他食評都唔差於是滿心期待決定一試! 雖然地點唔太方便,真係為左佢先突登走去試！去到只有一兩枱客,因為地方大仲顯得格外冷清🙈不過地方大枱與枱有距離絕對方便朋友聚會傾計既！*五餐肉卷----真心麻麻...多飯少料比例唔岩..味道亦淡*紫菜蛋卷---- 正常*部隊鍋---- 正常,但面竟然要加錢先有...*辣炒雞另外加飯---失望...只有辣味, 缺少香味! 炒飯亦都淡而無味自問平時都係食清淡既食物，亦對食物無太要求！但呢度d食物真心沒有其他食評寫得咁好😐

無意中見朋友介紹了一間韓國餐廳對於不熟悉大角咀的路的我覺得餐廳選擇的地方有點僻但抱著打算一試的心情出發但去到門口是有點卻步好寬敞的餐廳但顧客得一兩個心知應該不妙...但由地鐵站行了一大段路才過來附近又沒有其他選擇於是都選擇入去...魚旦湯...不是我想像的鮮魚湯味...而是關東煮湯味好奇怪，而且五顏六色的魚旦不討好如果有去過韓國食過街邊的魚串就會知道當地的魚串湯底令人一試回味所以此餐廳的魚旦湯令我好失望...部隊鍋望落好似好正常但味道好奇怪而且有點不理解為何有冬菇...娃娃菜都好奇怪...只可以說是普通的鍋...部隊鍋沒有面送，要另外加面...食得好失望我未敢試其他餐牌的食物但如果去試之前請三思...

難得放幾日假....朋友話之前上網見到介紹呢間 B家닭갈비，就想去試試。但係位置比較唔方便，３個地鐵站都可以行過黎（太子、旺角同奧運），路程話遠唔遠，話近又唔近。去到門口，都有少量人係到排隊，我地都等左20分鐘，先可以入坐。不過地方寬敞，坐得舒服。坐位下面仲有儲物空間，可以比食客放手袋同外套一坐低，店員會比３款前菜：青瓜、泡菜、芽菜。芽菜係我大愛嘅前菜，我仲叫店員fill左幾次之後我地叫左2人部隊鍋 同B家辣炒雞，仲叫多個明太子雞翼同半隻原味炸雞。明太子雞翼雞翼有甜甜嘅燒汁味，咬一啖，就會見到入面有好多好多明太子。明太子味道有啲咸，好在有甜嘅燒汁中和反。半隻原味炸雞($88)炸雞有６件，皮脆肉嫩。入面仲好JUICY，所以食時要小心，唔係好易會燙到咀。2人部隊鍋 ($208)部隊鍋份量都唔少，有雞、豆腐、午餐肉、冬菇、年糕、腸仔、野菜、茄汁豆、芝士腸。雞肉嫩滑，但得幾件豆腐同雜菜吸左部隊鍋嘅湯，真係好好味。而年糕口感煙韌，又飽肚。B家辣炒雞($188)最後到B家辣炒雞，係店員極力推介，入面有雞、野菜、年糕、薯仔、紅蘿蔔、墨魚仔。呢個都係２人份量，睇落好大份，但炒完就得返好細份墨魚仔好新鮮

小弟同愛人之前到韓國旅行，其中有一次跟當地旅行團去南怡島，上島前去過一間食「春村辣雞排」嘅，食過一次就好想再食，喺當地又搵唔返咁好味，今次喺香港搵到呢一間，非常好味，我好開心！可以有多個晚餐嘅地方

話說呀妹大學畢業，我地就決定搵個好地方食番餐。呀妹一向鍾意食韓國野，咁我地見大角咀附近開左間新嘅韓式餐廳，咁當然要去試下啦！點知質素同我地想像中真係好唔同。我地order左一份辣炒雞，同一份韓式炸雞。結果，份量少不得止，重要我地剩係食唔到雞似香味，只有好明顯落得好重手嘅調味料味。最令我失望嘅，就係負責炒野個個待應掛住同其他人傾計，好耐先過黎幫我地翻菜。搞到我同呀妹要自己落手落腳。呀妹係韓國exchange過，佢覺得尼間模仿韓國地道美食嘅舖頭，質素認真差左一大截。再者，我地不停叫人幫手加水，但佢地都唔多理我地，要等好耐先有人郁手。好失望嘅一次經歷。爸媽都話，尼個地方除左寛敞，坐得幾舒服之外，根本就唔值得黎第2次。

好友聚餐其中一位朋友提議到他朋友新開的韓國餐廳, 我地最鍾意試新野當場舉手贊成.位置比較吊腳 ,3個站(太子,旺角,奧運)都可以行到不近也不遠. 我選擇於太子出睇住Google map 都不難找 ,平日晚上不太多人食完返屋企都沒有油煙味.地方非常大, 坐位寛闊貼心位就是椅子下的儲物空間也非常大可以放下大衣及手袋能非常輕鬆地用餐.食物質數中上而且價錢十分合理可以選擇不同的人頭份量，因此我地5個人叫3人份就可以試可同的東西了。1. 韓式牛肉 - 店員幫忙處理, 味道很好 . 牛肉同蔬菜比例恰到好處.2. 炸雞(原味) – 不油膩,肉juicy3. 炸雞(辣味) – 因為我不愛辣這個剛好,喜歡辣的就不夠喉了.4. 部隊鍋 + 公仔麵 – 依個堅係無難度不過我都好Like佢好多菜. 另外加錢的公仔麵牌子我好鍾意架(上次去韓國重特意買左依個牌子的麻油回家)