麥芝連餅店

营业中

休息中

平时好少行呢边几条街，搭巴士都系行长沙湾道或元州街，但早几日喺尖沙咀搭巴士返长沙湾，中途想去深水埗买D嘢，所以就喺荔枝角道嘅桂林街站落车，落车行咗阵见到呢间"麦芝连饼店"，见个名几得意，于是就去睇下D面包o唔ok，买定做第二朝早餐，最后我系买咗一个老婆饼同一个皮蛋酥。老婆饼几好食，而皮蛋酥个皮蛋就好韧，其实我都好少食皮蛋酥，所以唔知D皮蛋特别韧系咪正常，但个酥饼系好食嘅 !适逢细妹生日，上次见橱窗有个抹茶红豆蛋糕几靓，所以就再过嚟睇下有无其他蛋糕啱心水，屋企人比较喜欢简简单单的鲜忌廉杂果蛋糕，见到呢个士多啤梨蛋糕就啱晒，一嚟个样好靓，细妹实钟意，二嚟蛋糕外层舖满满满的cream，一定符合大家的要求。原先无谂过写食评，所以都无特别影相，不过见家人个个对蛋糕赞不绝口，食得好开心，既然店家用心制作，系值得俾番个评价，给予支持与鼓励!👍👍👍个Happy Birthday、心心同菠萝装饰系自己另外加上去，饼店无提供的，虽然系咁，但其实个蛋糕本身都已经好靓，仲有金箔点缀，好elegant!味道方面，忌廉软滑，蛋糕松软，中间夹杂住一D热带杂果，甜度适中，好好味!至于士多啤梨🍓，因为小朋友好钟意食，我