老夫子餐館 (已結業)

老夫子漫画我由细睇到大，既然朋友讲起有间老夫子餐馆，咁一定要黎捧场啦! 原来比想像更加好睇又好食，场内仲有王泽先生既亲笔签名! 不枉此行！ 菜式方面都好有心思，全部用上老夫子漫画常用的四字标题，仲可以一边谂食咩，一边同朋友仔估下系咩食物添! 我最中意呢度法式焗田螺配薯蓉，牛油味浓，又香又滑，好好食!至于呢个蜜桃水果花茶都好推荐! 除左盛载的器皿非常吸睛，份量亦十分足! 一路食一路饮都够! 仲有大大块的水果可以食，唔会过甜而且好新鲜，健康又抵饮! 甜品方面，如果多人一齐食，必叫呢个招牌火焰雪山!好大份! 香浓的慕斯内藏厚厚的雪糕，劲好食!最特别系上桌时侍应点火的一刻!全场瞩目，好似睇左场精彩表演呢！影相位啊哈哈! 食饱后大家都影左一轮相先舍得走，因为呢度装修真系好靓，处处都有老夫子的踪影，fans一定忍唔住周围影! 仲有不少实用又精美的纪念品可以买呢！