木船 (已結業)

太和站行过黎唔洗十分钟，招牌大大只船，几易认，上船开餐喇。Menu大大张图，又几好睇，忍唔住慢慢睇晒成本。有别于传统泰菜，木船主打新派泰菜，一于睇下可以带黎几多新鲜感。青木瓜沙律系泰国常见前菜，青木瓜新鲜爽口，加上青柠同醋ge酸、鱼露ge咸鲜，非常醒胃，但就缺少左系泰国食到ge辣劲，如果再辣d会更正。另外，佢仲加左平时唔会落ge提子，但捞埋黎食唔多夹。椰子鸡一上枱热辣辣、香喷喷，趁热饮啖椰汁试下先，椰汁香而不腻，椰肉清甜，连骨鸡件肥瘦适中，一啖肉配一啖汁咁食都几正，不过鸡件本身应该无腌过，唔够咸，有d可惜。好大座菠萝炒饭，放系枱面高过个人。外面睇落虽然唔似椰子鸡出晒烟，但拎开虎虾同菠萝之后，见到d饭系刚刚炒起，够热。虎虾烧得几香，啖啖肉，算实净，唔霉，点d甜酸酱几醒神。炒饭虽然唔似大牌档咁有镬气，但都算香，连埋菠萝炒都尚算粒粒分明，唔会湿晒。食完饭就食埋菠萝，非常鲜甜多汁。夏日芭东海滩其实系菠萝椰子沙冰，每一啖都品尝到酸、甜、香，加上凉透心ge沙冰，咁岩当晚天气回暖，饮落真系有夏日感觉。朋友饮柚子蜜，无乜特别，偏淡。