金雀餐廳 (已結業)

屋企班食肉兽生日，又话想食又话想有野睇，好就去金雀啦，话晒佢都系拍花样年华既地方，睇个场都好怀旧啦~有大有细，佢就比左个大地方我地，见我地迫，仲推埋隔离既台等我地舒服d，真好服务呀~当然个个都系要佢既香浓白汤啦，唔系讲少唔系讲玩，个汤有鸡丝，仲有脆脆面包粒，个稠度适中，入口香滑，无奶酥味~多士加牛油同沙糖点佢既汤，哗正呀~咁多人，大家钟意share多，就要左:1. 2046- 个沙律系白色汁淋面，两个车厘子放系两个生果球既中间，个样令人有无限暇想orz 个汁酸酸甜甜还可以，龙虾嘛?食唔出....2. 海鲜饭乳鸽餐- 焗饭，好够芝士味架~只鸽炸到又香又脆，d肉又无炸到干晒，好味呀~3. 七打牛扒餐- 戏玉呀~ 估佢唔到系你面前煎架，个伯伯级既侍应哥哥好厉害架~耍杂技咁，仲喷埋火，炏炏声~睇到细路拍晒手~个牛比2046既嫩好多，仲有返个牛肉味架~4. t-bone set- 最好味既牛呀~ 两边既肉无论肉既酥味，肉汁既多寡同埋肉既弹牙度都完全唔同，一块两个享受。5. 羊架餐- 无特别，个汁唔够香，个架唔够羊味....食完返屋企都仲回味紧个七打牛扒既表演呀~