February

营业中

休息中

呢日嚟到观塘食之前买落嘅团购二人餐。个餐包咗餐汤同沙律，一个主菜，一个意粉/饭，一人一杯啤酒/红酒，仲有个餐后雪糕。沙律: 沙律叶唔算新鲜，紫椰菜太硬而且苦，dressing偏酸，但几钟意佢加咗鲜甜嘅芒果。餐汤: 本来望落以为系平淡无味嘅白汤，饮落有惊喜㖞，竟然有黑松露味。龙虾汁海鲜意大利饭:一上枱已经见到佢𠮶只几大只嘅大虾，仲有两只青口，饭入面仲有啲鲍片粒。饭煮得比较腍，但依然系粒粒分明嘅。有龙虾汁嘅味道但整体口味偏淡，味道单一。大虾同青口都算新鲜。总括嚟讲个饭嘅水准不过不失。德国火焰咸猪手: 重头戏系呢个火焰猪手，侍应点火前会叮嘱客人准备好相机。火熄咗仲会问客人想自己切开猪手定交俾厨房切。专业嘅果然切得好整齐。本来担心搞咗一大轮猪手会唔会唔脆呢，点知个皮依然香脆。猪手唔肥唔瘦啱啱好，仲要啖啖肉，两只为食猪都食唔晒。 最啱配住啤酒食。