Green Waffle (已結業)

早放工同班旧同事去铜锣湾食个靓饭，餐厅佢地拣，今次我都要赞佢地拣得好！5个人叫左6碟野，有沙律/ 炸鱼薯条/ 鸡翼/ 炒意粉/ carbonara/ 多宝薯粒镬仔！食物份量足，5个大胃皇都食唔晒！重点推介系最普通但系真系比其他地方出色嘅鸡翼同skillet口感一流嘅鸡翼虽然畀浓厚嘅酱汁包裹住只鸡翼但系仍然酥脆。蒜蓉蜜糖同烧烤汁都好够味！真系两只都要试，下次一定会再嗌！其他餐厅食过嘅镬仔薯粒，一系太油，一系薯粒唔够味，呢个镬仔又系出色！整体算干身，直至督穿咗只温泉蛋！ 蛋汁加埋本身落咗seasoning嘅薯仔鸡肉青椒一齐食，味道温和咗，而且不知不觉令人越食越多停唔到落黎！好痴线炒意粉同样地唔会太油腻，不错！