L'attitude (已結業)

之前做facial行过门口， 棉花糖雪糕放喺门面 造型讨好，今日专登同老公拍住拖黎食。 一入去， 主要客户群都系啲女仔。 原本谂住食物得个样，应该麻麻地好食，但一试结果令人喜出望外。叫左一碟烧烤鸡翼， 烧烤味好浓郁 ，鸡翼入晒味， 大大嚿有6只， 一人三只唔使争。饼底好薄，烘焙得啱啱好， 面阵酱汁保持水分， 带辛辣味，个批底香脆可口。 温泉蛋卡邦尼意粉， 蛋液加上忌廉汁， 层次口感丰富，只系有啲细碟老公叫做个好靓嘅梦幻色彩嘅特饮， 嚟到嘅时候有发光杯垫， 灯光打上去， 再加上有个发光嘅冰粒 在杯内， 造型100分 味道亦都唔差 唔会太甜，带有柠檬 清新地道。压轴出场嘅系呢个黄色鸡鸡造型嘅雪糕， 价钱同出面食个糖水差唔多，60蚊，堂食要加一， 但如果外卖可以有九折添。搣开棉花糖， 一边食再一边将鸡鸡眼耳口鼻齐返去，食完面层棉花糖后，见到大大杯扭纹雪糕，牛乳，朱古力味混合。 雪糕口感幼滑， 唔会过甜两个人食完埋单都系400蚊，系位置便利的尖沙咀嚟讲算系相当唔错选择。