賞島咖啡屋

营业中

休息中

呢日同妈咪办完年货，当然要去医下肚hea下。见呢间cafe shop系附近，于是就入去试下。我地两个每人叫左杯野饮同意粉，唔洗加一，共4百蚊有找，以食物质素、环境同份量黎讲，都算合理。Hazehut coffee有好经典既心形拉花，嗅同饮都feel到有榛子味，叫左少甜，甜度岩岩好，咖啡有阵阵果香，同榛子味好夹。Long coffee呢杯比Hazehut latte果更加饮得出咖啡原本既果香，但唔会过于浓厚，唔识饮咖啡既我，觉得比Espresso易入口。海胆味噌蟹肉意粉砌到成碟画咁，睇落材料好丰富，d紫菜带到d日式fusion西式既感觉。个意粉酱真系有海胆味，配埋蟹肉蟹籽，海鲜既鲜甜味层次好突出，钟意海胆既人应该会几岩食。意粉清爽有质感。明太子樱花虾意粉又系一幅画咁，可以打卡呃like。明太子份量充足，有樱花虾杂菌紫菜做配料，无讲颜色同味道都十分丰盛。明太子配意粉真系无得输，有口感得黎，又鲜甜。意粉都系一样咁弹牙有质感。虽然野饮同野食选择不多，但有好多都几吸引。