影片
更多
2013-08-08
4239 浏览
朋友提早同我庆祝生日，约左去W Hotel High Tea...准时两点半去到，唔知系咪因为假日既关系，所以冇咩人...服务员好快就安排左个位俾我地...环境系几好坐低冇几耐，睇完Menu，叫咗一个Tea Set(For two)...Tea Set包左两杯野饮，叫咗一杯茶(Orange Chocolate Truffle)同一杯咖啡(Mocha)...嘢饮最先来到，茶(Orange Chocolate Truffle):杯野闻起上来有好香，好有香橙朱古力味...不过饮起上嚟就好淡味丶无乜味，好似饮紧水咁:'(咖啡(Mocha):呢杯就真系好好饮!饮到咖啡好浓好香，又唔会盖咗朱古力味...份量配合得好好，唔会好苦，仲有D甜甜嘅味道^^个Tea Set都要等一段时间至来，唯有吹水打发时间...终于，服务员将Tea Set送上...Tea Set系好特别嘅设计，W-系酒店名;O-第一层系喊点;O-第二层系甜点，加埋就系WooBar。Tea Set咁靓，梗系要影番几张相啦讲吓喊点先:第一层好Green，D配菜唔系蕃茄就系青瓜，全部都系我唔钟意食嘅嘢:')我记得最好食嘅有吞拿鱼Wrap，Cr
朋友提早同我庆祝生日，约左去W Hotel High Tea...
准时两点半去到，唔知系咪因为假日既关系，所以冇咩人...服务员好快就安排左个位俾我地...环境系几好
坐低冇几耐，睇完Menu，叫咗一个Tea Set(For two)...
Tea Set包左两杯野饮，叫咗一杯茶(Orange Chocolate Truffle)同一杯咖啡(Mocha)...
嘢饮最先来到，茶(Orange Chocolate Truffle):[5/10分]杯野闻起上来有好香，好有香橙朱古力味...不过饮起上嚟就好淡味丶无乜味，好似饮紧水咁:'(
咖啡(Mocha):[8/10分]呢杯就真系好好饮!饮到咖啡好浓好香，又唔会盖咗朱古力味...份量配合得好好，唔会好苦，仲有D甜甜嘅味道^^
个Tea Set都要等一段时间至来，唯有吹水打发时间...
终于，服务员将Tea Set送上...Tea Set系好特别嘅设计，W-系酒店名;O-第一层系喊点;O-第二层系甜点，加埋就系WooBar。Tea Set咁靓，梗系要影番几张相啦
讲吓喊点先:[6/10分]
第一层好Green，D配菜唔系蕃茄就系青瓜，全部都系我唔钟意食嘅嘢:')我记得最好食嘅有吞拿鱼Wrap，Cream Cheese Puff，同一旧类似系炸鸡粒嘅物体...其余个D真系好一般，D三文治块包竟然林到好似浸左水咁，另外有一旧食落好似卤水味啫喱嘅不明物体，真系好难食!><
下层嘅甜点:[7.5/10分]
大致上全部都几好!先食Scones(有原味同提子味两种)，Scones好好味，系嫌佢未够松软，有点太干了...配埋嘅Jam都好味道!尤其是系士多啤梨味- 香甜丶浓郁，另外嘅系牛奶味-佢就稍为逊色咗少少，同普通果啲Cream差不多，虽然食到有奶味，但味道始终比较淡...
甜点有Chocolate Mousses- Mousses好滑丶上面仲洒上朱古力脆脆增加口感<3，Toffee Cake- 有好浓拖肥味丶蛋糕亦好松软丶加上榛子味嘅Cream->好食，Lollipop- 系Mint Chocolate，粉红色奶酪-睇落以为会系伏丶点知食落竟然出奇地好味!佢上层系好重酒味嘅啫喱丶下层就系好浓好香甜好滑嘅莓味奶酪...两者好夹)夹埋一齐食最正!可惜，另外个件Banana Marshmallow系败笔之处!超级难食!!好口感好似食泥胶咁，食落仲要系药水味:'(总之只味好怪...
唔好以为份量好少，我哋三个人食，食完都觉得几饱xdd
朋友有Coupon，有半价优惠，所以价钱方面都唔系好贵;)
讲真个句，以咁样嘅食物质素，又唔系样样都咁好食，要我俾原价嘅话，我真系唔会黎... 个Tea Set真系唔值原价:/
张贴
