春庭越調 (已結業)

呢排忙到傻，但都不忘抽空出去食下饭，放松吓。今次嚟到湾仔呢一间越南餐厅，第一印象系非常有格调，文青打卡味十足。不过食物味道就真系好一般啦。位于湾仔老区，周围都有好多特色餐厅，呢间越南餐厅装修当然唔失色，复古味十足。餐厅环境空间感好大，唔会坐得好迫夹。两个人用餐，上菜时间都算几快。今次叫咗一个越南猪扒碎饭，同埋个经典牛肉河粉，配油炸鬼同牛骨髓。当然都仲有啲前菜小食啦。前菜小食拣咗春卷，沙律同埋鸡翼。成餐饭我觉得前菜已经系算最好食𠮶part😂味道正常，沙律加咗花生粒，酱汁酸酸甜甜，口感唔错，都算几开胃。鸡翼同埋春卷就正常，但就唔会话特别入味，或者个馅好好食。主菜的话，牛肉河粉上菜嘅时候系有一片生牛肉挂系个碗边，浸落汤到佢先会慢慢熟。呢个摆盆好唔好就见仁见智，我个人就唔系好钟意啲嘢生殴殴咁上菜既，所以就觉得视觉上唔系太吸引啦。同埋个牛肉汤底味道唔算好浓同和味，所以整个pho我觉得真系好减分。另外仲加咗钱配牛骨髓同油炸鬼。油炸鬼好干好柴，唔好食。跟住个牛骨髓，有啲一言难尽，因为系半生既，刮到入边啲骨髓因为太生，所以会连住啲骨，整唔到出嚟。仲要有血水流出黎。恕我眼界太窄，我真系未食生嘅牛骨髓。我