Selfie Cafe (已結業)

男朋友上网半价订咗二人餐，$300 - 包2碗餐汤，一个头盘，一个主菜，2杯印相photo print咖啡。去到见到餐牌写原价五百几。如果正价食，就真系好唔抵，因为食物完全系茶餐厅质素，咖啡亦麻麻哋，只系够 gimmick。餐汤 - 忌廉汤 - 茶餐厅质素头盘 - 三文鱼拼露笋 - 普通主菜 - 一大块，主部份系肉，副部份全部系肥膏。要求5成熟，应该六成半度啦，唔难食，但真系茶餐厅几十蚊质素，如果要俾几百蚊食，真系嬲爆。Photo print 印相咖啡 - 真系好靓，相质好好，个面胶胶哋，用饮管拮落去，相印穿咗个洞，但唔会走样。一路饮，个边一落痴住边留印，个样仲kepp到。真系好得意。不过味道真系一般。我杯系mocha，味道还可以，男友𠮶杯榛子咖啡，真系甜到饮唔晒。一定要系冻饮，我估可能热饮会溶，冻饮就hold到。