夢見屋 (已結業)

由北角行至天后揾食，睇匀咁多间的 window，觉得最吸引嘅就系梦见屋！望入去见冇乜人，于是入去。当然，下午 5 点半又未到晚市梗系客人唔多啦 (基本上计埋我呢台就只有一台客)，见店面侍应有 3 个，就算 “人盯人” 都应该足以应付绰绰有余吧……可是，我实在太天真了。那 3 位店员，佢地唔系打牙骹、打烂野、就系游云，唔太招呼更唔太留意店内客人需要……算吧！……我们点了青苹果汁，清酒煮蚬，三文鱼煎蛋 pizza，白玉抹茶芭菲，士多啤梨芭菲 share 食。个煮蚬先来，甩壳就预左，食落冇乜酒味，似白焯蚬……而且好多沙。至于个pizza，上台时唔系好热……佢个批底好硬、三文鱼好咸 + 少少腥、煎蛋全熟 (系熟过龙至岩)……系 D 芝士味叫做 “正常 D”……招待+食物都欠奉，唯有寄望甜品啦，材料现成的，应该唔会跌眼镜呱……总括来说，只有 5 个字来形容，就系 “好睇唔好食”！成餐饭系得个甜品叫做比较OK 的，唔知其他分店系咪咁呢？！