Moxie (已結業)

以前去过Arcane，感觉好好，特登嚟试吓呢间，朋友系食素，所以呢度系一个好好嘅选择，平日中环食晏时间特别忙，早咗几分钟到，张枱未准备好，等咗一阵准时入座。呢度嘅环境其实就麻麻，几迫下，喺行人通道旁，冇乜气氛可言，坐吧枱对住个厨房可能会好啲，不过期望嘅系佢呢度嘅食物。餐牌选择唔系话好多，不过对lacto vegetarian就比例上好多选择。放弃咗set lunch，拣咗a la carte。服务都唔错，侍应都会不时巡吓，落单等咗一阵头盘就嚟到，好有卖相，相机食先，味道亦都好好，唔同嘅食材味道好夹，份量亦都刚好，唔会话一啖食完，食材感觉上几新鲜，唔似普通罐头雪藏货。食完头盘再换刀叉食主菜，主菜同样有板有眼，卖相吸引，刺激到唔同嘅味蕾，又有唔同嘅texture，唯一麻婆豆腐红椒太多，豆腐反而就好少，最后嗌咗一个甜品四个人分享，食完唔会话好饱，但系CP值算系合理，食得几满足，值得再嚟。