夏雪 (已結業)

很久以前曾光顾西环总店，记得印象不错，但碍于太远，所以以后未有再到访。没想到夏雪竟在大围开分店，十分惊喜。今晚终于有机会去一食，一入去坐低，俾个餐牌吓咗一跳，因为款式比印象中少，价钱更加系吓亲，一个窝夫最平都差唔多九十蚊，呢啲价钱系新界真系贵，搞到我有一刻想走，不过俾个机会佢，睇吓系咪真系值啦。叫咗个紫薯窝夫心太软，首先卖相好靓，有两粒紫薯仔，声称日本货，又真系几好食！跟住食个主菜心太软，入面真系有好多紫薯流出来，货真价实，好好食！然后再食个窝夫，软硬适中，外脆内软，正！最后再有个豆腐雪糕，好清新，同个心太软来个冰火相融，夹到痺！总的来说质素真系高，不过价钱真系太贵喇，始终大围都系做街坊生意，你咁贵边有可能成日食，我虽然觉得好食都暂时唔会再帮衬住，或者等朋友唻先会再唻食，所以真系正如其名，夏天落雪，好矛盾！