大自然素食

营业中

休息中

已经去大自然素食各家分店食过无限咁多次，但第一次叫酸辣汤，出事啦！ 个酸辣汤似系用茄膏做，酸得好假，做都好差， 好彩呢个系我朋友点嘅，我就叫返每一次嚟都会饮嘅竹生羹，呢个竹生羹无论饮几多次都系咁好味，但要提提大家，如果多过四五个人，最好系叫一大碗，咁样会比较化算！仲有每次嚟呢一度一定要叫牛油果法包， 但大家千祈唔好以为系外面西餐厅𠮶种的式法包，呢度嘅法包系长过一个手板， 每人一件真系够㗎，食多一件就会食唔到其他嘢。。。 上次食过黄金虾好好食，今次再叫，但又要提提大家，两个人嚟食饭唔好叫呢个𩠌，因为会好滞。。。 另外仲有一碟炒菜同埋炒饭，饭炒得够干身但唔油，做得非常之好， ( 怕油嘅朋友可以叫南瓜饭，上次试过都非常唔错) 如果喜欢食榴梿嘅话，食完饭可以嚟多个炸榴梿卷当系饭后甜品， 内脆外软，榴梿味十足，而且性价比高，非常推介！