陳勤記鹵鵝飯店 (已結業)

是日落雨，3个同事一齐谂住近近地去公司附近食，呢度新开左冇耐就谂住即管试下。12点半去到唔使等位，坐位都算唔系好迫，但系坐正厨房位置好嘈。3个女子，点左2个蚝仔粥，1个四宝饭，忘记影相。蚝仔粥呢，细碗过屋企个汤碗，我谂D饭加埋都冇半碗，食完之后完全唔觉得有食过野，顶多都系饮左杯蚝仔汤。同事食四宝饭相对饱肚D，但系佢话D米唔好食。蚝仔粥+饮品$45，四宝饭+饮品$48，唔会返转头LU。离开后即刻要去附近百佳扫零食，又贵又唔好食仲要唔饱。