影片
更多
2004-10-14
5 浏览
前排同班朋友o系度食左一餐, 试左新野之余又食得开心.间餐厅o的装修都OK, 有o的情调咁, 拍拖或者一班朋友去都o岩... 我地o个次一行九人, 叫左三个pasta, 一个大pizza, 一个鹅肝牛扒(定系牛柳?), 一支红酒同一个朱古力大蛋糕.如果有叫主菜, pasta o个类, 间餐厅会送菜沙律同面包, 否则每人要俾多$25. 首先去到坐低, 因为未齐人, 所以大家一路倾一路等人一路食住沙律同面包, 个沙律都几新鲜咁. 面包都唔错, 而且佢地o既食法真系比较特别, o系香港唔系度度有: 面包系用橄榄油同黑醋点o黎食o架! o个碟橄榄油同黑醋个样就... 好多人就咁睇都以为系淋肠粉o既豉油, 或者系一o的食完剩低o既汁. 呢个食法, 我以前只系听过下, 未试过... 都几好味o架!因为已经系成个几两个星期前o既事, 我真系唔太记得o个o的pasta o既名. 只记得有个系阔面lasagna, 一个系蚬壳粉, 仲有一个系粉卷. 三样都几好食. 不过, 我o既最爱系pizza!!! 我地叫左个大o既, 可以双并两只味: 一只系Margarita (有蕃茄, 芝士同罗勒), 系最正宗o既
间餐厅o的装修都OK, 有o的情调咁, 拍拖或者一班朋友去都o岩...
我地o个次一行九人, 叫左三个pasta, 一个大pizza, 一个鹅肝牛扒(定系牛柳?), 一支红酒同一个朱古力大蛋糕.
如果有叫主菜, pasta o个类, 间餐厅会送菜沙律同面包, 否则每人要俾多$25.
首先去到坐低, 因为未齐人, 所以大家一路倾一路等人一路食住沙律同面包, 个沙律都几新鲜咁. 面包都唔错, 而且佢地o既食法真系比较特别, o系香港唔系度度有: 面包系用橄榄油同黑醋点o黎食o架! o个碟橄榄油同黑醋个样就... 好多人就咁睇都以为系淋肠粉o既豉油, 或者系一o的食完剩低o既汁. 呢个食法, 我以前只系听过下, 未试过... 都几好味o架!
因为已经系成个几两个星期前o既事, 我真系唔太记得o个o的pasta o既名. 只记得有个系阔面lasagna, 一个系蚬壳粉, 仲有一个系粉卷. 三样都几好食.
不过, 我o既最爱系pizza!!! 我地叫左个大o既, 可以双并两只味: 一只系Margarita (有蕃茄, 芝士同罗勒), 系最正宗o既pizza 味道; 另一只系烟三文鱼(烟三文鱼之上有加sour cream 同生洋葱). 个pizza 上台o个时已经分好左, 系十二件正方形薄底o既pizza (有朋友之前食过话可以要细o既, 都有六件). 我一见到一件件o既Margarita 就好高兴, 因为真系件件都有块罗勒叶o系上面, 又劲好食... 而家一路写都有少少口水流! 其实烟三文鱼o个只pizza 味都唔差, 我亦好钟意食三文鱼, 但pizza 我始终偏好正宗同最简单o既味道, 即系Margarita.
而个鹅肝牛扒(定牛柳?) 系后尾叫o既. 块牛扒/牛柳切落去o个时好似好绵咁, 个味道都几好, 但我更钟意佢下面o既配菜. 因为佢地明显系有花心思去整同调较味道, 可以配合到个鹅肝牛扒(?).
至于个朱古力蛋糕... 未食之前其实都食饱啦, 但食左一啖之后... 我唔系太钟意个蛋糕底, 不过铺住成个蛋糕o既朱古力酱系出奇地咁好味... 肥就肥啦!
难得有人咁有心o系大埔开间咁靓同有水准o既餐厅, 有钱有时间一定会再帮衬!
张贴