影片
更多
2022-07-13
78 浏览
最近同好友饯行，所以特别挑选左一间中式私房菜，呢度有好多好考功夫嘅菜式，包佢去到英国食唔到。先嚟嘅系白肺炖花胶汤，要整呢个汤系好花功夫，一啖热辣辣嘅汤，杏香扑鼻，一试难忘！第二道菜系冰镇鲍鱼配烧汁芥辣， 食私房菜就好似食厨师发板一样，从食材同酱汁就睇到厨师嘅功夫，单系讲要令到大大只嘅鲍鱼幼嫩软滑已经唔系一般厨师可以做得到，再加上秘制酱汁，香甜清新，加上有日本芥辣嘅after taste，一种酱汁多重感受。全晚最精彩之一莫过于青芥冰烧鸡，起初以为侍应搞错咗，因为完全见唔到烧鸡嘅踪影，但原来系厨师将烧鸡拆肉，配合青瓜，炸芋头，海蜇等，有不同口感，炮制出又一惊为天人嘅菜式。本来以为啱啱品尝𠮶度菜已经系全晚最精彩嘅，点知一山还有一山高，再嚟嘅系蜜烤虾菠士，单睇𠮶菜名完全冇头绪系一道咩野菜，经过解释原来系用蜜糖菠萝配合虾胶制成嘅一道菜色，就好似虾多士，顶层系烤蜜糖菠萝，中层系以菠萝忌廉抄成嘅自家制菠萝酱，配合好咁Q弹嘅炸虾饼，有别于传统嘅虾多士，菠萝嘅清新同虾多士配合得天衣无缝。正谂紧今晚会唔会食得太多肉嘅时候，侍应介绍今晚第五道菜，农村山区炆酿豆腐，以为平平无奇，查实内有干坤，酿制于豆腐中嘅咸
最近同好友饯行，所以特别挑选左一间中式私房菜，呢度有好多好考功夫嘅菜式，包佢去到英国食唔到。
先嚟嘅系白肺炖花胶汤，要整呢个汤系好花功夫，一啖热辣辣嘅汤，杏香扑鼻，一试难忘！
第二道菜系冰镇鲍鱼配烧汁芥辣， 食私房菜就好似食厨师发板一样，从食材同酱汁就睇到厨师嘅功夫，单系讲要令到大大只嘅鲍鱼幼嫩软滑已经唔系一般厨师可以做得到，再加上秘制酱汁，香甜清新，加上有日本芥辣嘅after taste，一种酱汁多重感受。
全晚最精彩之一莫过于青芥冰烧鸡，起初以为侍应搞错咗，因为完全见唔到烧鸡嘅踪影，但原来系厨师将烧鸡拆肉，配合青瓜，炸芋头，海蜇等，有不同口感，炮制出又一惊为天人嘅菜式。
本来以为啱啱品尝𠮶度菜已经系全晚最精彩嘅，点知一山还有一山高，再嚟嘅系蜜烤虾菠士，单睇𠮶菜名完全冇头绪系一道咩野菜，经过解释原来系用蜜糖菠萝配合虾胶制成嘅一道菜色，就好似虾多士，顶层系烤蜜糖菠萝，中层系以菠萝忌廉抄成嘅自家制菠萝酱，配合好咁Q弹嘅炸虾饼，有别于传统嘅虾多士，菠萝嘅清新同虾多士配合得天衣无缝。
正谂紧今晚会唔会食得太多肉嘅时候，侍应介绍今晚第五道菜，农村山区炆酿豆腐，以为平平无奇，查实内有干坤，酿制于豆腐中嘅咸香风情，实在令人回味无穷。
最后一道菜系哈哈哈芥兰煲，有别于一般芥兰煲，以鲜虾配搭虾干制成，加入咗鲜虾令人怀缅香港系一个充满海鲜嘅美食天堂。最后呢道菜个名改得特别好，我哋成晚就系喺哈哈嘅笑声中渡过左最后嘅饯别宴，希望我呢个朋友永远唔会忘记香港呢一个小小嘅渔港，同仲喺呢度生活嘅我哋啦！
张贴
