壽司郎 (佐敦薈)

营业中

休息中

呢一次系新铺新开张后第一次去试食，之前旧铺嘅时候，都已经成日去食。所以依家重新开新铺嘅时候，我就立即去试吓会唔会有分别。一开始都有啲惊讶，因为等待入去嘅时间竟然30分钟之就可以入去食，可能系因为其他地区开多咗分店嘅原因，减少咗人流。不过都好嘅对于客人来讲等候时间越小就会越留得住客人。一如以往我都叫咗寿司，松阪牛寿司，飞鱼子寿司，厚切烧鲭鱼寿司，盐醋渍鲭鱼，油甘鱼。首先松阪牛寿司我觉得牛味比较重，就比较好食，不过就价钱上唔算太抵，因为得一嚿$27，个人认为唔算太值。飞鱼子寿司基本上同出边差唔多所以就呢度唔评论啦。厚切烧鲭鱼寿司我认为比较好食肉质够厚，有一种啖啖肉嘅感觉。所以我经常性会再叫多一碟。盐醋鲭鱼我觉得佢海水味比较重，有一种新鲜感觉。油甘鱼口感上比较银，可能令到我对于佢嘅评价一般般。此外我仲叫咗炸薯条，佢嘅薯条厚身外脆内面好林，而且即叫即炸新鲜。而且唔会落太多盐份喺上面，所以个人认为好食推荐。舖头清洁到上系比较干净清洁嘅感觉，因为可能系日本餐厅嘅原因，所以佢哋都好校注重清洁。