貴香園 (昌安大廈) (已結業)

难得有几日连假，又好耐冇堂食过米线，一于放假黎呢到试下米线啦，未到中午12点，已经有差唔多一半嘅位坐满左，睇完餐牌就落单，叫左多人推荐嘅猪扒酸辣米线要中辣，鸡翼沙嗲米线，红豆冰，因为一开始唔系叫红豆冰，系后来改左，职员叫入厨房话改，跟住话自己入去冲，但佢当时戴住蓝色手套执紧碗就入左厨房，到佢送上枱都仲戴紧，咪话唔惊，唯有揾纸巾抹下及隔住个杯拎黎饮啦，米线好快上枱，猪扒好细块好似营养不良咁，要细细啖咁食好冇瘾呀，不过味道唔错，有啲似云贵轩猪扒，而汤底第一次食叫中辣有啲太辣，唔可以饮到个汤试到，又唔敢慢慢食等佢冻啲，所以试唔真个味，而沙嗲汤底浓郁，鸡翼都好味，我觉得鸡翼同猪扒个腌味系一样呀~红豆冰奶多少豆所以比较淡，因为系食辣米线地方，所以总会有食客唔小心呛亲咳，但都会好惊，下次堂食应该都系疫情过左先会了