仁芝初

营业中

休息中

戈日同朋友喺旺角食完野，难免会谂到之后有咩节目，其实疫情之下都冇乜选择架喇。经过通菜街戈边，戈边向来有好多好野食，见到有间新开冇耐嘅中式糖水店😳上一次食中式糖水都吾记得系几耐之前？朋友都话想试试😊店舖名十分有趣，叫「仁芝初」，总令人谂起「性本善」。店舖走简约路线，位置吾多，简简单单有时都几好。老板真系MARVEL嘅fans🤣一抬头就见到成堆MARVEL嘅公仔，仲有形形色色嘅画。糖水嘅种类吾少，好中意佢地设计嘅图案，画得好得意😆吾似平时啲餐牌咁得文字或者食物嘅实物样，得意得黎睇得出佢地系画紧乜。双拼嘅选择都吾少，都系啲传统嘅糖水款式，都画得好精细！仲可以加钱加汤圆、蕃薯、芋圆。杏仁露令我谂起传统冰室嘅杏霜，杏霜嘅杏仁味都几出，好似好多人都抗拒杏仁味，我觉得就ok，吾会话太难接受。木瓜炖雪耳喺传统糖水店都几经典，系一款好滋润嘅糖水，雪耳嘅数量好鬼多😱真系够晒滋补！本身都几中意食雪耳，中意佢够爽滑😊木瓜好清甜，好味。最后一款系合桃露，听人讲合桃可以补脑，架吾中都要食吓先得😎合桃系好似平时戈啲中式糖水店咁会有啲苦，但吾会至于话入吾到口，成个糖水都做到好稠身，即系证明都几足料。