風流居酒屋 (已結業)

今日Lunch同事话带我食一间新开既居酒屋，仲book埋位，咁有诚意当然要试下!餐厅位于好多野食既登龙街永光中心，呢橦大厦亦有不少食肆，所以如果食完饭就需要等较耐既时间先有䢂搭啦!餐厅唔算好大，布置好有日本风格。餐厅还有房间可book，方便一班人食饭。午市定食亦有不少款式可以拣，而我就拣选我好耐冇食过既刺身饭!定食之前菜、沙律及味噌汤，前菜是牛蒡猪肉，好有日本的风味，跟日本街头吃的味道一样!沙律是配有和风醋的沙律菜，很醒胃。而味噌汤内有很滑的豆腐，味道不算太咸，唔错!角切鱼生饭，鱼生饭当中的鱼生相信是有时令鱼，再加上吞拿鱼、三文鱼、三文鱼籽，还有海胆，所有鱼生都好新鲜，唔会食到有梅左的。冇谂过鱼生饭都会有海胆食，而且很鲜甜。鱼生切得都好厚身，加埋D饭一齐食，啖啖肉!而饭同鱼生的比例应该系个碗既各一半!所以呢个饭食到我好饱好满足!不过如果个饭冇落饭素会更佳。总括黎讲，Lunch可以食到呢个咁优质既鱼生饭真系好满足，下次到我带同事或者朋友黎试下!