影片
更多
2021-07-16
996 浏览
都成年冇食过呢间既自助餐 之前成日都会黎食 从来都冇失望过 之前食既全时段自助晚餐价钱都唔平 但个价钱同返食物既质素比 绝对系值得 今次难得见到社交平台有优惠 食全时段自助晚餐只系每人四百几 仲可以仼饮红酒同白酒 另外每位仲送翡翠蚝皇鲍鱼一只 见到咁抵又咁耐冇食 梗系要带屋企人去试下啦 我地系平日星期四夜晚六点准时去到餐厅 当时餐厅都未full晒 仲有好多位净 但去到八点既时候就开始full左 都几多人食 首先 一去到我地先食下啲海鲜先 海鲜既款式其实都有好多款 有蟹脚 海虾 蚬 两款青口 仲有生蚝 海鲜全部食落都好新鲜 特别系蟹脚 食落好鲜甜 啲肉都几实肉 我地都觉得系咁多款海鲜入面最好味 之后就系海虾 又系好新鲜好好味 其他海鲜我就冇试 但屋企人就话麻麻地 食落冇味 不过餐厅都会不停refill啲海鲜 唔会话冇晒 唯一要排队拎既海鲜就系生蚝 不过都好快 几分钟就拎到 每次每人限拎两只 但就好细只 同埋食落又系冇味 海鲜仲有热食既即整既芝士龙虾 呢个又系劲多人排队 排既时间仲要比较帮 我地就对龙虾冇乜兴趣 不过都拎左只黎试下 咬落去好硬身 好难先咬得到 呢个可以唔洗晒时间排队拎 另外
我地系平日星期四夜晚六点准时去到餐厅 当时餐厅都未full晒 仲有好多位净 但去到八点既时候就开始full左 都几多人食
首先 一去到我地先食下啲海鲜先 海鲜既款式其实都有好多款 有蟹脚 海虾 蚬 两款青口 仲有生蚝 海鲜全部食落都好新鲜 特别系蟹脚 食落好鲜甜 啲肉都几实肉 我地都觉得系咁多款海鲜入面最好味 之后就系海虾 又系好新鲜好好味 其他海鲜我就冇试 但屋企人就话麻麻地 食落冇味 不过餐厅都会不停refill啲海鲜 唔会话冇晒 唯一要排队拎既海鲜就系生蚝 不过都好快 几分钟就拎到 每次每人限拎两只 但就好细只 同埋食落又系冇味 海鲜仲有热食既即整既芝士龙虾 呢个又系劲多人排队 排既时间仲要比较帮 我地就对龙虾冇乜兴趣 不过都拎左只黎试下 咬落去好硬身 好难先咬得到 呢个可以唔洗晒时间排队拎 另外 刺身都有好多款 我地试左 三文鱼 鱿鱼 八爪鱼 都好新鲜 好好味
热食方面 感觉上比之前少左啲款式 好似冇乜选择 都系有一堆烧物同炸物 烧物有盐烧鸡串 烧鳗鱼 烧鲭鱼烧茄子 呢啲就普普通通啦 有个系烧和牛 呢个几好食 炸物有炸天妇罗 有炸虾 南瓜 蕃薯 佢既炸天妇罗炸得唔错 几好味 另外有个系黄金炸排骨 即系用咸蛋黄黎炸 呢个好好味
热食仲有啲烧春鸡 比目鱼 牛舌 芝士意粉 仲有其他热食 都几好味 但就冇乜特别 最吸引既都系即煎既鸭肝多士 入口即溶 好好味 不过又系要排队 但真系好好味 仲有就系师傅即场切既肉眼 烧腩肉同埋羊架 呢三样野轮住出 味道都唔错
甜品方面 佢地既选择真系好多 今次系比得兔做主题 好多甜品卖相都好令 仲有个甜品柜摆满晒一杯杯既甜品 我地试左黑芝麻千层酥 味道麻麻 千层酥都系中意芒果多啲 蓝莓芝士饼同埋意大利芝士蛋糕唔错 啲甜品多到试唔晒 佢另外仲有凉粉同仙草冻 仲有好多配件俾你自己加上去 有黑珍珠 小丸子 红豆 芒果爆珠 同埋紫薯芋丸同埋地瓜芋丸 啲配料全部都好烟韧 但大部分都好甜
饮品方面 以前系自己冲黎饮 今次系有职员帮你斟 有朱古力 奶茶 柠檬茶 柑桔绿茶 应该系用粉开出黎既 味道真系麻麻 饮落好甜
整体黎讲 热食既食物款式冇以前咁多选择 但海鲜同甜品都有好多款式 而且味道都算唔错 价钱都算合理 值得一试
张贴
