影片
更多
2024-05-21
398 浏览
呢间由2022食到今年，第一次好惊艳，觉得好好味，之后再食多咗两三次，就每况愈下，见openrice订枱有85折，今次算系俾多次机会佢。幸好都无失望，拣咗尊贵日本A5和牛120分钟放题（$468，85折，正价加1，埋单$445），个和牛拼盘每次都几靓嘅，今次仲多咗用个壶上嘅牛肋条，好好味。第一轮上咗个送嘅和牛拼盘／海鲜拼盘，份量好大，人少少可能已经食饱咗，点唔到其他嘢，不过幸好我哋6个都系食肉兽，难唔到我哋嘅。今次个和牛拼盘，多咗羊架，又真系几好味，完全无羊膻味，连我都食到知啦，食完想encore，原来得一次，无得再叫，牛肋条都系1 round无得encore，不过最终waitress 妹妹好好人，送多壶俾我哋，不过系有原因嘅，因为其中一边炉个火好细，好难烧熟。之后就叫咗刺身／寿司𠮶啲，仲有和牛刺身，不过我啲朋友都唔识欣赏，唯有我自己食咗3片。要讲下个刺身种类少咗好多，竟然无油甘鱼，同埋特大只嘅红虾，失望㗎，成盘刺身无嚟气势。不过寿司就拣咗啲火炙类嘅，烧过油香丰富，特别火炙左口鱼，好滑好香。仲有吞拿鱼他他，呢个就麻麻哋。之后食完第一round个拼盘，就encord咗两转肉，专注拣A5和
幸好都无失望，拣咗尊贵日本A5和牛120分钟放题（$468，85折，正价加1，埋单$445），个和牛拼盘每次都几靓嘅，今次仲多咗用个壶上嘅牛肋条，好好味。
第一轮上咗个送嘅和牛拼盘／海鲜拼盘，份量好大，人少少可能已经食饱咗，点唔到其他嘢，不过幸好我哋6个都系食肉兽，难唔到我哋嘅。今次个和牛拼盘，多咗羊架，又真系几好味，完全无羊膻味，连我都食到知啦，食完想encore，原来得一次，无得再叫，牛肋条都系1 round无得encore，不过最终waitress 妹妹好好人，送多壶俾我哋，不过系有原因嘅，因为其中一边炉个火好细，好难烧熟。
和牛拼盘（每枱点餐前必上）
19 浏览
0 赞好
0 留言
海鲜拼盘
14 浏览
0 赞好
0 留言
烧羊架
13 浏览
0 赞好
0 留言
之后就叫咗刺身／寿司𠮶啲，仲有和牛刺身，不过我啲朋友都唔识欣赏，唯有我自己食咗3片。要讲下个刺身种类少咗好多，竟然无油甘鱼，同埋特大只嘅红虾，失望㗎，成盘刺身无嚟气势。不过寿司就拣咗啲火炙类嘅，烧过油香丰富，特别火炙左口鱼，好滑好香。仲有吞拿鱼他他，呢个就麻麻哋。
刺身
11 浏览
1 赞好
0 留言
寿司（都系点啲火炙嘅，油香满溢）
12 浏览
0 赞好
0 留言
和牛刺身
27 浏览
0 赞好
0 留言
吞拿鱼他他
22 浏览
0 赞好
0 留言
之后食完第一round个拼盘，就encord咗两转肉，专注拣A5和牛，个餐就系要食最贵嘅和牛先可以回本，第一次嚟又系拣最贵个餐，但系走去点美国牛仔骨，蚀晒，所以如果拣最贵嘅餐，就专门点，A5和牛就啱啦。
6款A5和牛encore
36 浏览
0 赞好
0 留言
6款A5和牛encore
21 浏览
0 赞好
0 留言
当然仲有好多嘢食，不能尽录，我哋亦都食唔晒，不过就烧菠萝就必点，即使食到我之后生粒粒，因为菠萝好湿热，都要点，真系好香甜好好食。都有点下炸物，不过只能放12张相，摆唔到多啲，味道就不过不失，唔点都唔可惜。
烧菠萝，必点，超甜
4 浏览
0 赞好
0 留言
和牛沙律
29 浏览
0 赞好
0 留言
整体表现，有打破之前越来越差嘅印象，啲牛肉质量好咗，有啲返返第一次嘅感觉。服务态度都好好，虽然其中一个炉有问题，waitress 好认真咁帮我哋解决，送多壶牛肋条俾我哋，仲帮我哋加咗时，因为个炉无火，好难烧熟，佢先加我哋时，之后帮我哋反转个烤盘，令个火可能更加近，终于改善到个问题。
你话会唔会再去，系会嘅。
张贴
