上海婆婆 (黃大仙中心北館)

营业中

休息中

好耐无行黄大仙中心，今日去完黄大仙庙，经过肚仔又饿饿地，家人提议食上海菜，咁就去咗依间上海婆婆，一入门口就感觉装修宽敞精致。上海菜当然要叫返d精致嘅菜式，今日就叫咗镇江水晶肴肉，依味𩠌好考功夫，一层猪皮一层火腿加上上汤啫喱，一层层加埋镇江黑醋，味道丰富。仲有叫咗上海小笼包，皮薄馅靓，满满汤汁，真系要趁热食。北京炸酱面面条幼细有嚼劲，炸酱肉多，仲有碗上汤，如果觉得太干可以加入上汤，味到岩岩好，唔会太浓味，午市套餐仲配埋红油炒手。京葱爆羊肉，京葱加埋羊肉好惹味。仲有叫咗两个甜品，绿茶芋泥饼，绿茶皮包住芋泥，仲有芝麻围边，非常香脆可口，又唔会太甜。酒酿丸子，有淡淡桂花清香，丸子烟靭，同样又不会太甜。喜欢上海菜，可以去试吓，大力推介。